Fótbolti

Með nýja rómverska keisarann á forsíðunni

Óskar Ófeigur Jónsson skrifar
Fólkið á ítalska blaðinu La Gazzetta dello Sport sér Jose Mourinho í nýju ljós eftir fréttir gærdagsins.
Fólkið á ítalska blaðinu La Gazzetta dello Sport sér Jose Mourinho í nýju ljós eftir fréttir gærdagsins. La Gazzetta dello Sport

Það er óhætt að segja það að Jose Mourinho eigi forsíðurnar á ítölsku blöðunum í dag.

Roma tilkynnti í gær að Portúgalinn Jose Mourinho verði knattspyrnustjóri liðsins í sumar og taki við af landa sínum Paulo Fonseca. Ítalski blaðamaðurinn Daniele Verri segir að ráðningin hafi komið öllum á óvart.

Jose Mourinho ætlaði að taka því rólega eftir að hann var rekinn frá Tottenham í síðasta mánuði en sú hvíld entist ekki lengi.

Ítalskir fjölmiðlar hafa verið að skrifa um það að undaförnu að Maurizio Sarri væri líklegastir til að taka við Roma liðinu og tilkynningin í gær voru því enn stærri fréttir.

Mourinho er ætlað að rífa upp Roma liðið sem hefur gefið mikið eftir í ítölsku deildinni að undanförnu og tapaði einnig 6-2 á móti Manchester United í fyrri undanúrslitaleik liðanna í Evrópudeildinni.

Roma hefur farið úr þriðja sætið niður í það sjöunda í deildinni auk þess að detta út úr bikarnum á móti smáliði Spezia.

Hér fyrir neðan má sjá nokkrar forsíður ítölsku blaðanna en ein sú allra skemmtilegasta er hjá La Gazzetta dello Sport þar sem má sjá Jose Mourinho sem rómverskan keisara.

Mourinho ríkti náttúrulega yfir ítalska fótboltanum þegar hann var þar síðast því undir hans stjórn þá vann Internazionale þrefalt tímabilið 2009-10, varð ítalskur meistari, ítalskur bikarmeistari og vann Meistaradeildina.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.