Innlent

Loka fyrir um­ferð á Suður­strandar­vegi í kvöld og í nótt

Atli Ísleifsson skrifar
Sprungur hafa myndast við axlir og í fyllingu þannig að vegrið hefur ekki allsstaðar fullan stuðning.
Sprungur hafa myndast við axlir og í fyllingu þannig að vegrið hefur ekki allsstaðar fullan stuðning. Vegagerðin

Suðurstrandarvegi verður lokað klukkan 18 á eftir og fram á morgun hið minnsta. Er það gert vegna ástands vegarins í kjölfar jarðhræringanna á Reykjanesskaga.

Vegagerðin segir frá því að Suðurstrandarvegur hafi sigið meira á þeim stað þar sem vart varð við sig fyrr í vikunni við Festarfjall.

„Af þeim ástæðum hefur verið tekin ákvörðun um að loka veginum frá og með kl. 18:00 í kvöld fimmtudag og að minnsta kosti til morguns. Þá verður ástandið metið að nýju.

Þrátt fyrir að þungatakmarkanir hafi verið settar á og vegur þrengdur hefur Vegagerðin áhyggjur af áframhaldandi sigi og breytingum á þessum stað. Einnig hefur rignt á svæðinu og spáð áframhaldandi rigningu sem gæti haft áhrif á ástandið.

Þrátt fyrir lokun á veginum er Vegagerðin viðbúin því að opna í skyndingu fyrir umferð austur á bauinn, í einstefnu, reynist þörf á því.

Lokað verður austan Grindavíkur og vestan vegamóta Krýsuvíkurvegar þannig að umferð sem kemur að austan kemst um Krýsuvík,“ segir í tilkynningunni.

Vegagerðin
Samgöngur Umferðaröryggi Grindavík Ölfus Hafnarfjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið