Dag­­skráin: Toppslagur í Domin­os-deildinni, sex­tán liða úr­slit Meistara­deildarinnar og Olís-deild kvenna

Stöð 2 Sport

Haukar taka á móti ÍBV í Olís deild kvenna klukkan 17.50. Aðeins munar þremur stigum á liðunum fyrir leik dagsins. ÍBV er í 4. sæti með 13 stig á meðan Haukar eru 6. sæti með tíu stig.

Klukkan 20.05 færum við okkur á Hlíðarenda þar sem Valur tekur á móti Keflavík í Dominos deild kvenna. Um er að ræða toppleik deildarinnar en bæði lið eru með 20 stig sem stendur. Valur þó leikið einum leik meira.

Stöð 2 Sport 2

Klukkan 19.15 hefst upphitun fyrir leiki kvöldsins í Meistaradeild Evrópu. Liverpool og RB Leipzig mætast klukkan 20.00 en Englandsmeistarar Liverpool eru 2-0 yfir eftir fyrri leik liðanna.

Meistaradeildarmörkin eru svo á dagskrá klukkan 22.00 en þar verður farið yfir báða leiki kvöldsins.

Stöð 2 Sport 3

Paris Saint-Germain tekur á móti Barcelona klukkan 20.00. Heimamenn pökkuðu Lionel Messi og félögum saman í fyrri leiknum og þurfa Börsungar á kraftaverki að halda til að komast áfram.

Stöð 2 E-Sport

GTS Iceland: Tier 1 er á dagskrá klukkan 21.30. Um er að ræða sterkustu mótaröð Íslands í hermikappakstri.