„Héldu að við værum bara litlar stelpur með engan sjálfstæðan vilja“ Ása Ninna Pétursdóttir skrifar 2. mars 2021 10:40 Heimildarmyndin Hækkum rána hefur fengið mikla gagnrýni. Frosti Logason umsjónarmaður Íslands í dag heimsótti stelpurnar í körfuboltaliðinu Aþenu og fékk að heyra þeirra viðbrögð og upplifun við umtalinu. Skjáskot „Ég hélt fyrst að hann væri bara algjör fáviti. Ég horfði á hann og bara; Hvað er hann að gera? Svo fékk ég að kynnast honum og stelpunum og fannst þetta geggjað. Ef hann hefði aldrei byrjað að þjálfa okkur þá væri ég ekki í körfubolta.“ Þetta segir Eybjört Torfadóttir liðsmaður körfuboltaliðsins Aþenu í viðtali við Ísland í dag. Í þættinum ræddi Frosti við stúlkurnar í liðinu um reynslu þeirra og líðan undir stjórn Brynjars Karls Sigurðssonar en Brynjar Karl hefur sætt mikilli gagnrýni og verið mjög umdeildur fyrir kennsluaðferðir sínar. Í síðasta mánuði var heimildarmyndin Hækkum rána frumsýnd á Íslandi en myndin er á góðri leið með að verða ein umtalaðasta mynd síðari ára hér á landi. Myndin fjallar um réttindabaráttu 8-13 ára stúlkna sem vilja breyta viðmiðum í kvennakörfubolta á Íslandi og hafa farið í ýmiskonar mótmælaaðgerðir til að vekja athygli á kröfum sínum. Þegar Frosti spyr stelpurnar um myndina og viðbrögð samfélagsins við henni er augljóst að sjá að þeim liggur mikið á hjarta. „Þetta er loksins komið út. Ég var orðin svolítið reið yfir því hvað fólk var að segja sem vissi ekki neitt um þetta. Það var gott að fá loksins fólk til að sjá þetta,“ segir Tanja Brynjarsdóttir. Tanja Brynjarsdóttir segist reið yfir því að fólk sem ekki hafi hvorki kynnt sér kennsluaðferðina né horft á myndinna sé að hafa sterkar skoðanir. Skjáskot Stelpurnar segjast hafa orðið fyrir vonbrigðum með þær hörðu umræður sem hafa skapast um liðið og finnst gagnrýnin á hendur Brynjari þjálfara sínum óvægin. „Mjög leiðinlegt hvað fólk pældi bara í Brynjari en ekki því sem við værum að vekja athygli á. Héldu að við værum bara litlar stelpur með engan sjálfstæðan vilja,“ segir Eybjört. Stelpurnar benda á að upp að 13-14 ára aldri er engin líkamlegur munur á stelpum og strákum, eini munurinn er þjálfunin sem virðist alltaf vera miklu metnaðarfyllri hjá þjálfurum drengja. Þá hafi málið ekki bara snúist um þær og að liðið þeirra væri miklu betra en önnur stúlknalið heldur vildu þær að allar stelpur fengju auknar áskoranir til að hækka viðmið kvennakörfuboltans í heild sinni. Og stelpurnar eru sannfærðar um að barátta þeirra hafi ekki verið til einskis. „Kannski munum við ekki fá að keppa á móti strákum en það mun klárlega gerast í framtíðinni,“ segir Eybjört áveðin. Viðbrögðin við myndinni hafa verið hörð og mikil og segir Kolka Henningsdóttir þær stöllur þó vanar mikilli gagnrýni. Fullt af kennurum eru að tala um þetta og hafa verið bara eitthvað: „Þú varst mjög flott í myndinni.“ Það er mjög skrýtið að einhver sé að segja góða hluti um okkur því ég er svo vön að það alltaf einhver að dissa okkur. „Mér finnst að fólk ætti að fræða sig um þetta áður en það fer að segja eitthvað. Að vita um hvað það er að tala. Þá getur það farið að segja einhverja hluti. Það er svo mikið af fólki sem er að segja eitthvað en veit ekki alveg um hvað það er að tala,“ bætir Eybjört við. Árið 2019 neituðu stelpurnar að taka við verðlaunum eftir að hafa unnið Íslandsmót stúlkna í minnibolta með 11 ára liði ÍR. Þá má segja að allt hafi orðið vitlaust og leystist liðið á endanum upp eftir að þjálfarinn Brynjar var látinn taka poka sinn í kjölfar atviksins. Þegar Frosti spyr þær hvernig þeim hafi liðið eftir þetta atvik, svarar Eybjört þessu: Fyrst voru við mjög glaðar yfir því sem við höfðum gert, og mjög spenntar. Svo kom ein mamman og byrjaði að drulla yfir okkur og Brynjar og þá breyttist andrúmsloftið. Við fórum bara eiginlega allar að gráta. Aðferðir Brynjars segja stelpurnar að séu mjög misskildar og þær snúist um miklu meira en bara körfubolta. Þær séu fyrst og fremst valdeflandi og hafi gert úr þeim mun sterkari einstaklinga en þær voru áður. „Ég hef lært svo mikið, ekki bara körfubolta. Ég var mjög feimin og ég þorði ekki að segja neitt. Ég hefði aldrei þorað að tala við þig núna,“ segir Kolka. Frosti spyr einnig að því hvernig þær taki því þegar Brynjar öskri reiðilega á þær. En viðmót hans og ákveðni þykir mörgum full harkaleg. „Ég tek því bara sem góðum hlut. Því þá veit ég að hann hefur trú á mér og er að reyna að láta mig verða betri og betri,“ segir Sylvía Hákonardóttir. Hér að neðan má sjá innslagið í heild sinni. Ísland í dag Körfubolti Börn og uppeldi Íþróttir barna Mest lesið Talin ólíklegust til að komast áfram Lífið Bauð öllum bæjarbúum í matarboð Lífið „Æskuheimilið hans er bara rústir“ Lífið Vítalía og Arnar Grant í kossaflensi Lífið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Myndavél frá afa algjör fjársjóður Tíska og hönnun Gult og glæsilegt einbýlishús Sölva til sölu Lífið Samantha Davis er látin Lífið Margrét Ýr og Reynir nýtt par Lífið Fleiri fréttir Bauð öllum bæjarbúum í matarboð Talin ólíklegust til að komast áfram „Æskuheimilið hans er bara rústir“ Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Litfögur listamannaíbúð í Hlíðunum Systkinin í Celebs frumfluttu lag Barnamenningarhátíðar Galvaskar á Gugguvaktinni Ragnar dillaði sér á Dillon og nýr ráðherra naut lífsins í Borgartúni Sjá meira
Í þættinum ræddi Frosti við stúlkurnar í liðinu um reynslu þeirra og líðan undir stjórn Brynjars Karls Sigurðssonar en Brynjar Karl hefur sætt mikilli gagnrýni og verið mjög umdeildur fyrir kennsluaðferðir sínar. Í síðasta mánuði var heimildarmyndin Hækkum rána frumsýnd á Íslandi en myndin er á góðri leið með að verða ein umtalaðasta mynd síðari ára hér á landi. Myndin fjallar um réttindabaráttu 8-13 ára stúlkna sem vilja breyta viðmiðum í kvennakörfubolta á Íslandi og hafa farið í ýmiskonar mótmælaaðgerðir til að vekja athygli á kröfum sínum. Þegar Frosti spyr stelpurnar um myndina og viðbrögð samfélagsins við henni er augljóst að sjá að þeim liggur mikið á hjarta. „Þetta er loksins komið út. Ég var orðin svolítið reið yfir því hvað fólk var að segja sem vissi ekki neitt um þetta. Það var gott að fá loksins fólk til að sjá þetta,“ segir Tanja Brynjarsdóttir. Tanja Brynjarsdóttir segist reið yfir því að fólk sem ekki hafi hvorki kynnt sér kennsluaðferðina né horft á myndinna sé að hafa sterkar skoðanir. Skjáskot Stelpurnar segjast hafa orðið fyrir vonbrigðum með þær hörðu umræður sem hafa skapast um liðið og finnst gagnrýnin á hendur Brynjari þjálfara sínum óvægin. „Mjög leiðinlegt hvað fólk pældi bara í Brynjari en ekki því sem við værum að vekja athygli á. Héldu að við værum bara litlar stelpur með engan sjálfstæðan vilja,“ segir Eybjört. Stelpurnar benda á að upp að 13-14 ára aldri er engin líkamlegur munur á stelpum og strákum, eini munurinn er þjálfunin sem virðist alltaf vera miklu metnaðarfyllri hjá þjálfurum drengja. Þá hafi málið ekki bara snúist um þær og að liðið þeirra væri miklu betra en önnur stúlknalið heldur vildu þær að allar stelpur fengju auknar áskoranir til að hækka viðmið kvennakörfuboltans í heild sinni. Og stelpurnar eru sannfærðar um að barátta þeirra hafi ekki verið til einskis. „Kannski munum við ekki fá að keppa á móti strákum en það mun klárlega gerast í framtíðinni,“ segir Eybjört áveðin. Viðbrögðin við myndinni hafa verið hörð og mikil og segir Kolka Henningsdóttir þær stöllur þó vanar mikilli gagnrýni. Fullt af kennurum eru að tala um þetta og hafa verið bara eitthvað: „Þú varst mjög flott í myndinni.“ Það er mjög skrýtið að einhver sé að segja góða hluti um okkur því ég er svo vön að það alltaf einhver að dissa okkur. „Mér finnst að fólk ætti að fræða sig um þetta áður en það fer að segja eitthvað. Að vita um hvað það er að tala. Þá getur það farið að segja einhverja hluti. Það er svo mikið af fólki sem er að segja eitthvað en veit ekki alveg um hvað það er að tala,“ bætir Eybjört við. Árið 2019 neituðu stelpurnar að taka við verðlaunum eftir að hafa unnið Íslandsmót stúlkna í minnibolta með 11 ára liði ÍR. Þá má segja að allt hafi orðið vitlaust og leystist liðið á endanum upp eftir að þjálfarinn Brynjar var látinn taka poka sinn í kjölfar atviksins. Þegar Frosti spyr þær hvernig þeim hafi liðið eftir þetta atvik, svarar Eybjört þessu: Fyrst voru við mjög glaðar yfir því sem við höfðum gert, og mjög spenntar. Svo kom ein mamman og byrjaði að drulla yfir okkur og Brynjar og þá breyttist andrúmsloftið. Við fórum bara eiginlega allar að gráta. Aðferðir Brynjars segja stelpurnar að séu mjög misskildar og þær snúist um miklu meira en bara körfubolta. Þær séu fyrst og fremst valdeflandi og hafi gert úr þeim mun sterkari einstaklinga en þær voru áður. „Ég hef lært svo mikið, ekki bara körfubolta. Ég var mjög feimin og ég þorði ekki að segja neitt. Ég hefði aldrei þorað að tala við þig núna,“ segir Kolka. Frosti spyr einnig að því hvernig þær taki því þegar Brynjar öskri reiðilega á þær. En viðmót hans og ákveðni þykir mörgum full harkaleg. „Ég tek því bara sem góðum hlut. Því þá veit ég að hann hefur trú á mér og er að reyna að láta mig verða betri og betri,“ segir Sylvía Hákonardóttir. Hér að neðan má sjá innslagið í heild sinni.
Ísland í dag Körfubolti Börn og uppeldi Íþróttir barna Mest lesið Talin ólíklegust til að komast áfram Lífið Bauð öllum bæjarbúum í matarboð Lífið „Æskuheimilið hans er bara rústir“ Lífið Vítalía og Arnar Grant í kossaflensi Lífið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Myndavél frá afa algjör fjársjóður Tíska og hönnun Gult og glæsilegt einbýlishús Sölva til sölu Lífið Samantha Davis er látin Lífið Margrét Ýr og Reynir nýtt par Lífið Fleiri fréttir Bauð öllum bæjarbúum í matarboð Talin ólíklegust til að komast áfram „Æskuheimilið hans er bara rústir“ Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Litfögur listamannaíbúð í Hlíðunum Systkinin í Celebs frumfluttu lag Barnamenningarhátíðar Galvaskar á Gugguvaktinni Ragnar dillaði sér á Dillon og nýr ráðherra naut lífsins í Borgartúni Sjá meira