Innlent

Háspennulína þverar hringveginn

Sunna Kristín Hilmarsdóttir skrifar
Vegurinn er lokaður þar sem merkt er X á kortið.
Vegurinn er lokaður þar sem merkt er X á kortið. Vegagerðin

Rafmagnslaust er í Fitjardal vegna háspennulínu sem slitnaði og þverar nú hringveginn, þjóðveg 1, milli Miðfjarðar og Víðidals á Norðurlandi.

Línan er frá RARIK og eru menn frá fyrirtækinu rétt ókomnir á staðinn. Það liggur því ekki hvað gerðist nákvæmlega; hvernig línan slitnaði eða hvaðan hún féll.

Vegurinn þar sem línan liggur er lokaður og stjórnar lögreglan umferð um hjáleið sem liggur um Vatnsnesveg (711) og Síðuveg (716). Hjáleiðin er einungis fær jeppum og fólksbílum en þungatakmörkun er 3,5 tonn á þeirri leið.

Vetrarfærð er um norðan- og austanvert landið en þó aðallega á fjallvegum. Vegir eru að mestu greiðfærir um landið sunnanvert.

Þá er óvissustig í gildi í Ólafsfjarðarmúla vegna snjóflóðahættu og vegurinn um Almenninga er opinn en óvissustig er einnig í gildi þar vegna snjóflóðahættu.

Hálka eða hálkublettir eru á vegum á Austurlandi. Þá er ófært á Vatnsskarði eystra og lokað yfir Fjarðarheiði en opnun í bígerð.

Hreindýrahjarðir eru víða við vegi á Austurlandi og hafa meðal annars sést á Jökuldal, Fagradal, Reyðarfirði og í Álftafirði. Vegfarendur eru beðnir um að sýna aðgát.

Nánar um færð og aðstæður á vegum á vef Vegagerðarinnar.

Fréttin var uppfærð kl. 08:34.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.