Tíska og hönnun

Bein útsending: Afhending Hönnunarverðlauna Íslands 2020

Sylvía Rut Sigfúsdóttir skrifar
Sýnt verður frá afhendingu Hönnunarverðlauna Íslands fyrir 2020, hér á slaginu klukkan 11.
Sýnt verður frá afhendingu Hönnunarverðlauna Íslands fyrir 2020, hér á slaginu klukkan 11. Aldís Pálsdóttir

Hönnunarverðlaun Íslands árið 2020 verða afhent með rafrænum hætti hér á Vísi klukkan 11.00.

Á afhendingunni verða veitt Hönnunarverðlaun Íslands, Heiðursverðlaun Hönnunarverðlauna Íslands og einnig verður veitt viðurkenning fyrir bestu fjárfestingu í hönnun ársins 2020.

Sýnt verður frá verðlaununum á sjónvarpsstöð Vísis og í streymi sem verður aðgengilegt hér fyrir neðan.

Hönnunarverðlaun Íslands varpa ljósi á mikilvægi og gæðum íslenskrar hönnunar og arkitektúrs, enda er vægi hönnunar í menningu, samfélagi og viðskiptalífi alltaf að aukast. Að verðlaununum standa Miðstöð hönnunar og arkitektúrs í samstarfi við Hönnunarsafn Íslands, Listaháskóla Íslands, Landsvirkjun, Íslandsstofu og Samtök iðnaðarins.

Útsendingunni er lokið og er hægt að horfa á upptöku af henni hér fyrir neðan.

Klippa: Hönnunar­verð­laun Ís­lands 2020

Hönnunarverðlaun Íslands eru peningaverðlaun að upphæð 1.000.000 krónur. Þau verkefni sem eru tilnefnd að þessu sinni eru Ýrúrarí fyrir Peysa með öllu, Studio Granda fyrir Drangar og Flothetta fyrir Flotmeðferð. Hönnunarverðlaun Íslands beina sjónum að því besta sem gert er á sviði hönnunar og arkitektúrs á Íslandi um leið og einstaka hönnuðum eða hópum hönnuða er veitt mikilvæg viðurkenning.

Besta fjárfesting í hönnun er viðurkenning sem veitt er fyrirtækjum sem hafa hönnun og arkitekúr að leiðarljósi frá upphafi verka til að auka verðmætasköpun og samkeppnishæfi. Öll fyrirtæki sem starfa á Íslandi koma til greina.

Heiðursverðlaun Hönnunarverðlauna Íslands voru veitt í fyrsta skiptið árið 2019. Heiðursverðlaun er viðurkenning veitt einstaklingi sem þykir hafa skilað framúrskarandi ævistarfi á sviði hönnunar og arkitektúrs á Íslandi. 

Sigríður Sigurjónsdóttir forstöðumaður Hönnunarsafns Íslands og formaður dómnefndarinnar í ár.Vísir/Vilhelm

Dómnefndina í ár skipa:

  • Sigríður Sigurjónsdóttir formaður, Hönnunarsafn íslands
  • Hildigunnur Sverrisdóttir, arkitekt, LHÍ
  • Sigrún Unnarsdóttir, fatahönnuður MH&A
  • Þorleifur Gíslason, grafískur hönnuður MH&A
  • Paul Bennett, hönnunarstjóri IDEO, MH&A
  • Margrét Kristín Sigurðardóttir, SI
  • Hörður Lárusson, grafískur hönnuður MH&A
  • Sigrún Birgisdóttir, arkitekt, LHÍ

Tengdar fréttir

Afhending Hönnunarverðlauna Íslands sýnd á Vísi á föstudag

Hönnunarverðlaun Íslands árið 2020 verða afhent með rafrænum hætti föstudaginn 29. janúar klukkan 11.00. Á afhendingunni verða veitt Hönnunarverðlaun Íslands, Heiðursverðlaun Hönnunarverðlauna Íslands og einnig verður veitt viðurkenning fyrir bestu fjárfestingu í hönnun ársins 2020.






Fleiri fréttir

Sjá meira


×