Rósa Björk Brynjólfsdóttir, þingkona Samfylkingarinnar, hefur sóst eftir að leiða lista flokksins í Suðvesturkjördæmi í komandi þingkosningum.
Rósa Björk segir frá þessu í tilkynningu sem send var á fjölmiðla skömmu fyrir hádegi. Hún segist þekkja það kjördæmi vel enda þingmaður þess frá 2016.
„Ég hef fulla trú á að stefna og sýn Samfylkingarinnar eigi mikinn hljómgrunn hjá kjósendum í Suðvesturkjördæmi, sem og annars staðar og mun ég leggja mig alla fram um að vinna vel í þágu þeirra, nú sem áður. Ég hlakka til að takast á við krefjandi en spennandi verkefni á næsta kjörtímabili,“ segir Rósa Björk.
Hún var kjörin á þing fyrir Vinstri græna í þingkosningunum 2016 og aftur 2017 sagði skilið við þingflokkinn fyrr á árinu og gekk síðar til liðs við þingflokk Samfylkingarinnar.
Guðmundur Andri Thorsson þingmaður leiddi lista Samfylkingarinnar í Kraganum í kosningunum 2017.
Rósa Björk Brynjólfsdóttir gekk í dag til liðs við þingflokk Samfylkingarinnar. Hún hefur setið sem óháður þingmaður á Alþingi síðastliðna þrjá mánuði, en var þar áður í þingflokki Vinstri grænna.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
