Fótbolti

Pólsku meistararnir sagðir vilja Hjört

Anton Ingi Leifsson skrifar
Raheem Sterling í baráttunni við Hjört Hermannsson sem gæti verið á leiðinni til Póllands.
Raheem Sterling í baráttunni við Hjört Hermannsson sem gæti verið á leiðinni til Póllands. vísir/hulda

Hjörtur Hermannsson, varnarmaður Bröndby, er ofarlega á óskalista Legía Varsjá. Þetta segir pólski vefmiðillinn futbol.pl en danski miðillinn bold.dk hefur þetta eftir pólska miðlinum.

Hjörtur hefur áður verið orðaður við Legía en hann var orðaður við félagið síðasta sumar. Það varð þó ekkert úr því og íslenski landsliðsmaðurinn var áfram í Danmörku.

Þótt að tækifærin hafi verið af skornum skammti á þessari leiktíð þá er Carsten V. Jensen, yfirmaður knattspyrnumála hjá Brøndby, sagður vilja framlengja samninginn við íslenska varnarmanninn.

Samningur Hjartar rennur út í sumar en hann kom til Brøndby frá PSV í Hollandi sumarið 2016. Hann hefur spilað 141 leiki fyrir gulklædda liðið í vesturhluta Kaupmannahafnar en. Hjörtur á sautján leiki að baki fyrir íslenska A-landsliðið.

Legia er ríkjandi meistari í Póllandi en með liðinu leikur meðal annars Artur Boruc, fyrrum leikmaður í enska boltanum. Liðið er á toppnum í Póllandi en Hjörtur yrði annar Íslendingurinn í Póllandi. Böðvar Böðvarsson leikur með Jagiellonia Białystok.

Danski boltinn Fótbolti

Mest lesið


Fleiri fréttir

Sjá meira


×

Mest lesið