Saknar Tuanzebe mest af öllum í United

Miðjumaðurinn Nemanja Matic sem leikur með Manchester United var spurður af heimasíðu félagsins hvaða leikmann hann saknar mest að grínast með í klefanum og svar hans kom nokkuð á óvart.

Leikmenn United, hafa eins og önnur lið, ekki geta æft undanfarnar vikur vegna kórónuveirunnar en Matic segir að þeir hafi verið duglegur að halda sambandi við hvorn annan í gegnum samskiptamiðlana Zoom og WhatsApp.

Serbinn var svo spurður hvaða leikmanns hann saknar mest.

„Axel! Mér finnst gaman að tala við hann, því við skjótum á hvorn annan á skemmtilegan hátt! Leikmennirnir hafa gaman af því þegar við erum í búningsklefanum. Ég sakna hans mikið.“

„Ég er þó í góðu sambandi við alla en auðvitað næ ég best við þá sem eru í kringum mig í aldri en til þess að vera hreinskilinn þá hef ég gaman af þeim öllum.“

„Ég grínast mikið með Rashford og Lingard en ég tengi mikið við leikmenn eins og Juan Mata og De Gea. Ég skil þá betur en til dæmis Mason Greenwood því hann er meira en tíu árum yngri en ég,“ sagði Serbinn.