Eins og blaut tuska í andlit sjúklinga og samstarfsfélaga Kristín Ólafsdóttir skrifar 5. júní 2018 16:30 Anna Björnsdóttir hefur lokið sérfræðinámi í Parkinsons-sjúkdómnum og starfar við Duke-háskólasjúkrahúsið í Norður-Karólínu. Anna og eiginmaður hennar, Martin Ingi Sigurðsson, svæfinga- og gjörgæslulæknir, starfa í Bandaríkjunum en vilja heim til Íslands. Mynd/Aðsend Tómas Guðbjartsson, hjartaskurðlæknir á Landspítala, gagnrýnir ákvörðun heilbrigðisyfirvalda um að hafna umsókn taugalæknisins Önnu Björnsdóttur um aðild að rammasamningi Sjúkratrygginga Íslands, SÍ. Tómas segir ákvörðunina eins og „blauta tusku“ í andlit Önnu, samstarfsfélaga hennar og sjúklinga. Enginn sérfræðilæknir hefur fengið aðild að rammasamningi SÍ síðan 1. janúar 2016 en umsóknum hefur verið synjað til að draga úr útgjöldum ríkisins. Sjúklingar greiða meira fyrir læknisþjónustu sérfræðilækna á stofum þegar ekki fæst aðild að rammasamningnum.Anna Björnsdóttir taugalæknir.Mynd/Duke University School of MedicineRÚV greindi fyrst frá máli Önnu Björnsdóttur sem lauk sérfræðinámi í Parkinsons-sjúkdómnum í fyrra og vinnur á Duke-háskólasjúkrahúsinu í Norður-Karólínu. Velferðarráðuneytið hafnaði umsókn hennar um aðild að rammasamningi sérfræðilækna og Sjúkratrygginga Íslands í síðustu viku, þrátt fyrir að skortur sé á taugalæknum á Íslandi. Með aðild að samningnum geta sérfræðilæknar utan sjúkrahúsa veitt sjúklingum sínum afslátt af greiðslum fyrir læknisþjónustu, þ.e. sjúklingar þeirra fá þjónustuna niðurgreidda af ríkinu, og þyrfti Anna því að rukka sjúklinga sína um hærra gjald en ella ef hún kæmi á fót stofu án aðildar að samningnum. Einhver dæmi eru um að sérfræðilæknar hafi opnað stofu síðustu misseri en sjúklingar þeirra þurfa að borga fullt verð sem margir ráða ekki við.„Fingraför óskiljanlegrar bjúrókrasíu til staðar“ Tómas Guðbjartsson læknir er á meðal þeirra sem hafa tjáð sig um málið. Í Facebook-færslu sem hann birti í dag segir hann mikinn skort á taugalæknum og finni bæði sjúklingar og samstarfsfélagar læknanna fyrir honum.Tómar Guðbjartsson, læknir.Vísir Hann gagnrýnir ákvörðun velferðarráðuneytisins í máli Önnu harðlega og tekur upp hanskann fyrir hana og eiginmann hennar, Martin Inga Sigurðsson, svæfinga- og gjörgæslulækni, sem bæði starfa enn í Bandaríkjunum. „Þegar læknar eins og Anna og Martin Ingi, sem eru á meðal best menntuðu íslensku lækna nokkru sinni, fá þessar móttöku á Íslandi er hættan sú að þau hreinlega hætti við að flytja til Íslands - enda geta þau valið um toppvinnu um allan heim,“ skrifar Tómas. „Þessi ákvörðun - sem er eins og blaut tuska í andlit þeirra, en líka í andlit okkar kollega þeirra og vissulega sjúklinga og aðstandenda- er fáránleg og fingraför óskiljanlegrar bjúrókrasíu til staðar.“Hafnað þrátt fyrir læknaskort í flestum greinanna Í úrskurði velferðarráðuneytisins um umsókn Önnu kom fram að henni hefði verið hafnað m.a. á þeim forsendum að ekki yrðu fleiri læknar teknir inn í samninginn vegna tilskipunar frá heilbrigðisráðherra, fyrst Óttari Proppé og síðar Svandísi Svavarsdóttur. Þessi stefna ráðuneytisins hefur verið höfð til viðmiðunar síðan árið 2015 til þess að lækka útgjöld en frá 1. janúar 2016 hefur öllum umsóknum um aðild verið hafnað. Steingrímur Ari Arason, forstjóri Sjúkratrygginga Íslands, hefur harðlega gagnrýnt að þurfa að hafna sérfræðilæknum um aðild að rammasamningi vegna fjárskorts. Þá hefur Þórarinn Guðnason, formaður Læknafélags Reykjavíkur, lýst yfir þungum áhyggjum af stöðunni og hið sama var uppi á teningnum þegar Vísir náði tali af honum í dag. 16 læknar í 13 sérfræðigreinum hafa sótt um aðild að rammasamningi SÍ fyrir sérfræðilækna síðan í byrjun árs 2016. Í 9 þessara sérfræðigreina er skortur á læknum, þ.á.m. í gigtarlækningum, hjartalækningum, öldrunarlækningum, taugalækningum, húðlækningum og svæfingalækningum.Hanna Katrín Friðriksson þingflokksformaður Viðreisnar ræddi stöðvun á nýliðun sérfræðilækna hér á landi á Alþingi í gær.Skjáskot/Stöð 2Hætta á tvöföldu heilbrigðiskerfi Anna hefur lýst því yfir í samtölum við RÚV að þörfin á taugalæknum með stofu sé gríðarlega mikil. Þá hefur hún sagt sínum sjúklingahópi mismunað þar eð meira en þriggja mánaða bið sé eftir því að komast að hjá taugalækni á stofu. Rammasamningur SÍ fyrir sérfræðilækna rennur út um næstu áramót. Hanna Katrín Friðriksson, þingmaður Viðreisnar, vakti athygli á stöðu samningsins á eldhúsdagsumræðum á Alþingi í gær. Hún sagði nú raunverulega hættu á því að Íslendingar „upplifi hér í fyrsta skipti drög að tvöföldu heilbrigðiskerfi.“ Þegar væru blikur á lofti og að hætta væri á því að sérfræðingar segi sig frá samningnum strax í sumar. „Þar með yrði hið tvöfalda kerfi orðið að veruleika,“ sagði Hanna Katrín. Heilbrigðismál Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Maðurinn kominn í leitirnar Innlent Annar látinn eftir eldsvoðann á Hjarðarhaga Innlent Skoða hvort eitthvað saknæmt hafi átt sér stað Innlent Fær þyngri dóm fyrir að nauðga konu, taka það upp og senda henni Innlent Fólki sé vel treystandi til að fá sér bjór á íþróttaviðburðum Innlent NEL tekur fyrir mál fjölskyldu Sigurðar Kristófers í júní Innlent Lagði Livio sem þarf að punga út 25 milljónum króna Innlent Íslendingur í Bandaríkjunum: „Þetta er mjög óþægileg staða“ Erlent Hvetja Íslendinga í Harvard til að hafa samband Erlent Fleiri fréttir Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Sjá meira
Tómas Guðbjartsson, hjartaskurðlæknir á Landspítala, gagnrýnir ákvörðun heilbrigðisyfirvalda um að hafna umsókn taugalæknisins Önnu Björnsdóttur um aðild að rammasamningi Sjúkratrygginga Íslands, SÍ. Tómas segir ákvörðunina eins og „blauta tusku“ í andlit Önnu, samstarfsfélaga hennar og sjúklinga. Enginn sérfræðilæknir hefur fengið aðild að rammasamningi SÍ síðan 1. janúar 2016 en umsóknum hefur verið synjað til að draga úr útgjöldum ríkisins. Sjúklingar greiða meira fyrir læknisþjónustu sérfræðilækna á stofum þegar ekki fæst aðild að rammasamningnum.Anna Björnsdóttir taugalæknir.Mynd/Duke University School of MedicineRÚV greindi fyrst frá máli Önnu Björnsdóttur sem lauk sérfræðinámi í Parkinsons-sjúkdómnum í fyrra og vinnur á Duke-háskólasjúkrahúsinu í Norður-Karólínu. Velferðarráðuneytið hafnaði umsókn hennar um aðild að rammasamningi sérfræðilækna og Sjúkratrygginga Íslands í síðustu viku, þrátt fyrir að skortur sé á taugalæknum á Íslandi. Með aðild að samningnum geta sérfræðilæknar utan sjúkrahúsa veitt sjúklingum sínum afslátt af greiðslum fyrir læknisþjónustu, þ.e. sjúklingar þeirra fá þjónustuna niðurgreidda af ríkinu, og þyrfti Anna því að rukka sjúklinga sína um hærra gjald en ella ef hún kæmi á fót stofu án aðildar að samningnum. Einhver dæmi eru um að sérfræðilæknar hafi opnað stofu síðustu misseri en sjúklingar þeirra þurfa að borga fullt verð sem margir ráða ekki við.„Fingraför óskiljanlegrar bjúrókrasíu til staðar“ Tómas Guðbjartsson læknir er á meðal þeirra sem hafa tjáð sig um málið. Í Facebook-færslu sem hann birti í dag segir hann mikinn skort á taugalæknum og finni bæði sjúklingar og samstarfsfélagar læknanna fyrir honum.Tómar Guðbjartsson, læknir.Vísir Hann gagnrýnir ákvörðun velferðarráðuneytisins í máli Önnu harðlega og tekur upp hanskann fyrir hana og eiginmann hennar, Martin Inga Sigurðsson, svæfinga- og gjörgæslulækni, sem bæði starfa enn í Bandaríkjunum. „Þegar læknar eins og Anna og Martin Ingi, sem eru á meðal best menntuðu íslensku lækna nokkru sinni, fá þessar móttöku á Íslandi er hættan sú að þau hreinlega hætti við að flytja til Íslands - enda geta þau valið um toppvinnu um allan heim,“ skrifar Tómas. „Þessi ákvörðun - sem er eins og blaut tuska í andlit þeirra, en líka í andlit okkar kollega þeirra og vissulega sjúklinga og aðstandenda- er fáránleg og fingraför óskiljanlegrar bjúrókrasíu til staðar.“Hafnað þrátt fyrir læknaskort í flestum greinanna Í úrskurði velferðarráðuneytisins um umsókn Önnu kom fram að henni hefði verið hafnað m.a. á þeim forsendum að ekki yrðu fleiri læknar teknir inn í samninginn vegna tilskipunar frá heilbrigðisráðherra, fyrst Óttari Proppé og síðar Svandísi Svavarsdóttur. Þessi stefna ráðuneytisins hefur verið höfð til viðmiðunar síðan árið 2015 til þess að lækka útgjöld en frá 1. janúar 2016 hefur öllum umsóknum um aðild verið hafnað. Steingrímur Ari Arason, forstjóri Sjúkratrygginga Íslands, hefur harðlega gagnrýnt að þurfa að hafna sérfræðilæknum um aðild að rammasamningi vegna fjárskorts. Þá hefur Þórarinn Guðnason, formaður Læknafélags Reykjavíkur, lýst yfir þungum áhyggjum af stöðunni og hið sama var uppi á teningnum þegar Vísir náði tali af honum í dag. 16 læknar í 13 sérfræðigreinum hafa sótt um aðild að rammasamningi SÍ fyrir sérfræðilækna síðan í byrjun árs 2016. Í 9 þessara sérfræðigreina er skortur á læknum, þ.á.m. í gigtarlækningum, hjartalækningum, öldrunarlækningum, taugalækningum, húðlækningum og svæfingalækningum.Hanna Katrín Friðriksson þingflokksformaður Viðreisnar ræddi stöðvun á nýliðun sérfræðilækna hér á landi á Alþingi í gær.Skjáskot/Stöð 2Hætta á tvöföldu heilbrigðiskerfi Anna hefur lýst því yfir í samtölum við RÚV að þörfin á taugalæknum með stofu sé gríðarlega mikil. Þá hefur hún sagt sínum sjúklingahópi mismunað þar eð meira en þriggja mánaða bið sé eftir því að komast að hjá taugalækni á stofu. Rammasamningur SÍ fyrir sérfræðilækna rennur út um næstu áramót. Hanna Katrín Friðriksson, þingmaður Viðreisnar, vakti athygli á stöðu samningsins á eldhúsdagsumræðum á Alþingi í gær. Hún sagði nú raunverulega hættu á því að Íslendingar „upplifi hér í fyrsta skipti drög að tvöföldu heilbrigðiskerfi.“ Þegar væru blikur á lofti og að hætta væri á því að sérfræðingar segi sig frá samningnum strax í sumar. „Þar með yrði hið tvöfalda kerfi orðið að veruleika,“ sagði Hanna Katrín.
Heilbrigðismál Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Maðurinn kominn í leitirnar Innlent Annar látinn eftir eldsvoðann á Hjarðarhaga Innlent Skoða hvort eitthvað saknæmt hafi átt sér stað Innlent Fær þyngri dóm fyrir að nauðga konu, taka það upp og senda henni Innlent Fólki sé vel treystandi til að fá sér bjór á íþróttaviðburðum Innlent NEL tekur fyrir mál fjölskyldu Sigurðar Kristófers í júní Innlent Lagði Livio sem þarf að punga út 25 milljónum króna Innlent Íslendingur í Bandaríkjunum: „Þetta er mjög óþægileg staða“ Erlent Hvetja Íslendinga í Harvard til að hafa samband Erlent Fleiri fréttir Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Sjá meira