Ósáttir við stækkun hótels

Fundargerðir og umsagnir heimamanna í gögnum Skútustaðahrepps sýna að engin sátt ríkir um stækkun Hótels Reykjahlíðar. Sveitarstjórnin er klofin í málinu og íbúar lýsa furðu sinni á því að svo virðist sem ákveðið hafi verið að ganga gegn yfirlýstri stefnu sveitarfélagsins um uppbyggingu í Reykjahlíð.

Eins og Fréttablaðið greindi frá á laugardag eiga áformaðar nýbyggingar við Hótel Reykjahlíð á vegum Icelandair Hotels að rísa langt innan þess 200 metra verndarsvæðis sem er markað hringinn í kringum vatnið og Laxá allt til ósa Skjálfandafljóts, samkvæmt sérlögum um vernd Mývatns og Laxár.

Í fundargerð sveitarstjórnar Skútustaðahrepps 31. mars var breytingartillaga skipulagsnefndar á aðal- og deiliskipulagi sveitarfélagsins tekin fyrir og samþykkt með þremur atkvæðum af fimm manna sveitarstjórn. Þar er heimilað að Icelandair Hotels vinni að skipulagi viðbyggingar við Hótel Reykjahlíð á tveimur hæðum. 

Einn sat hjá við atkvæðagreiðsluna, Sigurður Böðvarsson bóndi á Gautlöndum 1, en Jóhanna Katrín Þórhallsdóttir, hálendisfulltrúi og varaoddviti, greiddi atkvæði gegn tillögunni og lagði fram eftirfarandi bókun: „Ég leggst alfarið gegn svo auknu byggingamagni á umræddri lóð. Er það í samhengi við afstöðu mína í fyrri atkvæðagreiðslum varðandi sambærilegt mál og byggir skoðun mín á háu verndargildi og mikilvægi útsýnis yfir Mývatn á þessum stað.“

Í innsendum umsögnum íbúa kveður við sama tón, en þær eru birtar í fundargerð skipulagsnefndar 17. ágúst.

Í umsögn Guðrúnar M. Valgeirsdóttur, Reykjahlíð 1, segir að stækkun hótelsins muni skerða verulega útsýni og rýra verðgildi eignarinnar. Eins vísar Guðrún í greinargerð Aðalskipulags Skútustaðahrepps 2011-2023 þar sem segir: „Vatnsmegin vegarins umhverfis Mývatn skal spornað við frekari nýbyggingum öðrum en þeim sem tengjast bæjar- og húsaþyrpingum sem þar eru fyrir.“ Telur Guðrún að vissulega standi gamla hótelbyggingin svo nærri vatninu „en að áætlanir skuli gera ráð fyrir 2.000 fermetra, stækkun á þeirri byggingu 30 til 40 metra frá bakka Mývatns sætir undrun svo ekki sé fastar að orði kveðið.“ 

„Fyrr má nú rota en dauðrota í aukningu á byggingarmagni,“ skrifar Ólafur H. Jónsson, fyrir hönd Reykjahlíðar 3. Hann, eins og Guðrún, segir að breyting á aðalskipulagi sé ekki í samræmi við stefnu sveitarstjórnar. Segir hann að svo stór bygging samrýmist varla því sem sveitarstjórn hefur sett sér sem stefnu vestan þjóðvegar, eða vatnsmegin.

Fleiri skrifa á sömu nótum, þau Elísabet Sigurðardóttir og Ragnar Davíð Baldvinsson, Reykjahlíð 4, segja því til viðbótar að þeim þyki „einkennileg sú staðhæfing“ að framkvæmdin sé ekki líkleg til að hafa í för með sér umtalsverð umhverfisáhrif. Telja þau að stækkun hótelsins hljóti, „með tilheyrandi raski og auknum gestafjölda, að hafa umtalsverð áhrif á umhverfið við vatnið vegna nálægðarinnar.“

Í fundargerð sveitarstjórnar Skútustaðahrepps 31. mars var breytingartillaga skipulagsnefndar á aðal- og deiliskipulagi sveitarfélagsins tekin fyrir og samþykkt með þremur atkvæðum af fimm manna sveitarstjórn. Þar er heimilað að Icelandair Hotels vinni að skipulagi viðbyggingar við Hótel Reykjahlíð á tveimur hæðum. 

Einn sat hjá við atkvæðagreiðsluna, Sigurður Böðvarsson bóndi á Gautlöndum 1, en Jóhanna Katrín Þórhallsdóttir, hálendisfulltrúi og varaoddviti, greiddi atkvæði gegn tillögunni og lagði fram eftirfarandi bókun: „Ég leggst alfarið gegn svo auknu byggingamagni á umræddri lóð. Er það í samhengi við afstöðu mína í fyrri atkvæðagreiðslum varðandi sambærilegt mál og byggir skoðun mín á háu verndargildi og mikilvægi útsýnis yfir Mývatn á þessum stað.“

Í innsendum umsögnum íbúa kveður við sama tón, en þær eru birtar í fundargerð skipulagsnefndar 17. ágúst.

Í umsögn Guðrúnar M. Valgeirsdóttur, Reykjahlíð 1, segir að stækkun hótelsins muni skerða verulega útsýni og rýra verðgildi eignarinnar. Eins vísar Guðrún í greinargerð Aðalskipulags Skútustaðahrepps 2011-2023 þar sem segir: „Vatnsmegin vegarins umhverfis Mývatn skal spornað við frekari nýbyggingum öðrum en þeim sem tengjast bæjar- og húsaþyrpingum sem þar eru fyrir.“ Telur Guðrún að vissulega standi gamla hótelbyggingin svo nærri vatninu „en að áætlanir skuli gera ráð fyrir 2.000 fermetra, stækkun á þeirri byggingu 30 til 40 metra frá bakka Mývatns sætir undrun svo ekki sé fastar að orði kveðið.“ 

„Fyrr má nú rota en dauðrota í aukningu á byggingarmagni,“ skrifar Ólafur H. Jónsson, fyrir hönd Reykjahlíðar 3. Hann, eins og Guðrún, segir að breyting á aðalskipulagi sé ekki í samræmi við stefnu sveitarstjórnar. Segir hann að svo stór bygging samrýmist varla því sem sveitarstjórn hefur sett sér sem stefnu vestan þjóðvegar, eða vatnsmegin.

Fleiri skrifa á sömu nótum, þau Elísabet Sigurðardóttir og Ragnar Davíð Baldvinsson, Reykjahlíð 4, segja því til viðbótar að þeim þyki „einkennileg sú staðhæfing“ að framkvæmdin sé ekki líkleg til að hafa í för með sér umtalsverð umhverfisáhrif. Telja þau að stækkun hótelsins hljóti, „með tilheyrandi raski og auknum gestafjölda, að hafa umtalsverð áhrif á umhverfið við vatnið vegna nálægðarinnar.“



Fréttin birtist fyrst í Fréttablaðinu 9. júní 2016