Kórónuveiran það erfiðasta í tuttugu ára stjórnartíð Levy

Daniel Levy, stjórnarformaður Tottenham, segir að kórónuveiran sé erfiðasta áskorunin sem hefur komið upp á tuttugu ára ferli hans hjá hvítklædda Lundúnarliðinu.

Tottenham lagði fram ársskýrslu sína í vikunni en þar kom í ljós að félagið náði í 460 milljónir punda í tekjur á síðustu leiktíð. Góður árangur í Meistaradeildinni skilaði væntanlega góðri summu í budduna.

„Við vitum að það getur verið óviðeigandi að setja fram þessar tölur á þessum tíma ársins þar sem margir einstaklingar og fyrirtæki eru á erfiðum tímum vegna veirunnar. Við erum hins vegar skyldugir til þess að skila þessu inn fyrir 31. mars,“ sagði Levy á heimasíðu félagsins.

„Við erum öll á tímum þar sem ríkir mikil óvissa; bæði í vinnunni og í einkalífinu. Ég hef eytt nærri tuttugu árum í að byggja upp þetta félag og það hafa verið margar hindranir en enginn af þessari stærðargráðu. COVID-19 heimsfaraldurinn er það erfiðasta af þessu öllu.“

„Heilsa leikmanna, þjálfara, stuðningsmanna, styrktaraðila og fjölskyldu allra þeirra er í fyrsti sæti hjá okkur og við ættum að líta á þetta og koma sterkari út úr þessari veiru en nokkru sinni fyrr. Viljiði ver svo væn að hugsa um sjálfa ykkur. Þetta er mikilvægara en fótbolti,“ sagði Levy.