Erik Hamrén mætir til Kjartans og Henrys í Sportið í dag

Kjartan Atli Kjartansson og Henry Birgir Gunnarsson verða áfram á ferðinni í dag með þáttinn sinn, Sportið í dag, á Stöð 2 Sport, en þetta er nýr þáttur sem verður á dagskrá á stöðinni á hverjum virkum degi.

Í þættinum verður fjallað um allt það helsta sem er að gerast í íþróttum, hér á landi og utan landssteinana.

Um er að ræða 60 mínútna þátt sem verður á Stöð 2 Sport á hverjum virkum degi klukkan 15:00.

Í þættinum í dag þá ætla strákarnir að fara vel yfir stóra UEFA-fundinn og í tilefni af því þá mætir til þeirra Erik Hamrén landsliðsþjálfari karla í knattspyrnu.

Einnig verða viðtöl við handknattleikskonuna Ragnheiði Júlíusdóttur hjá Fram og körfuknattleikskonuna Söru Rún Hinriksdóttur sem spilar með bikarmeisturum Leicester Radiders í Englandi.