Innlent

Kveikt í ruslatunnu sem brann til kaldra kola

Elín Margrét Böðvarsdóttir skrifar
Ruslatunnan er illa leikin eftir eldinn.
Ruslatunnan er illa leikin eftir eldinn. mynd/Nína

Slökkviliðinu á höfuðborgarsvæðinu barst tilkynning um sex leytið í kvöld vegna elds í ruslatunnu við Einivelli í Hafnarfirði. Líkt og sjá má á meðfylgjandi myndbandi sem fréttastofu barst af atvikinu logaði töluverður eldur í tunnunni sem var farin að fjúka til. Samkvæmt upplýsingum fréttastofu var kveikt í tunnunni með vítissprengju eða skoteld.

Að ruslatunnunni frátalinni reyndust skemmdir að öðru leyti óverulegar og engum varð meint af. Greiðlega virðist hafa gengið að slökkva eldinn. 

Samkvæmt upplýsingum frá slökkviliðinu eru útköll af þessum toga því miður allt of algeng. Yfirleitt sé um íkveikju að ræða.

Slökkvilið Flugeldar Hafnarfjörður

Mest lesið


Fleiri fréttir

Sjá meira


×

Mest lesið