Skora á Menntaskólann við Sund að hefja staðnám Vésteinn Örn Pétursson skrifar 23. nóvember 2020 18:00 Menntaskólinn við Sund. Vísir/Vilhelm Foreldrar og forráðamenn nemenda í Menntaskólanum við Sund hafa farið þess á leit við stjórnendur skólans að hefja staðnám fram að jólaleyfi. Í áskorun um að opna skólann, sem ber yfirskriftina „Erfið staða nemenda,“ er sagt mikilvægt að nemendur fái að koma inn í skólann að einhverju marki, þar sem aðstæður leyfi það nú. Samkvæmt núgildandi reglugerð heilbrigðisráðherra mega framhaldsskólanemendur vera 25 saman í hverju rými. Einhverjir skólar hafa ákveðið að hefja staðnám, en aðrir hafa haldið fjarnámsfyrirkomulagi óbreyttu, þrátt fyrir heimild til staðnáms. Menntaskólinn við Sund er þar á meðal. „Það gæti breytt miklu til hins betra fyrir marga nemendur að fá að hitta kennara, sjá samnemendur sína og fá það aðhald og hvatningu sem skólaumhverfið færir með staðarnámi. Skólinn er vel í stakk búinn til að taka upp kennslu nú þegar smit hafa gengið niður og ný önn er hafin. Nú er það skólans að sýna að hann sé fremstur meðal jafningja,“ segir í áskoruninni. Með áskoruninni fylgir fjöldi frásagna foreldra af líðan barna sinna í fjarnámi. Flestar eiga þær sameiginlegt að lýsa erfiðleikum barnanna við að halda rútínu, auknu áhugaleysi á náminu og verri námsárangri. „Duglegur nemandi hefur einangrast félagslega. Hann hittir einn jafnaldra sem er í öðrum skóla en dvelur annars mest inni í herberginu sínu, sefur á daginn og vakir á næturnar. Andleg líðan þyngist dag frá degi. Svartnætti er eina orðið sem móður hans dettur í hug að fangi lýsinguna á ástandi barns síns varðandi framtíðarhorfur hans og námsins,“ segir í einni frásögninni. „Þúsundir unglinga á Íslandi í svipaðri stöðu“ Þá er vakin athygli á því í áskoruninni að aðstæður framhaldsskólanemenda heima fyrir geti verið ólíkar. Sumir foreldrar hafi getað verið sveigjanlegir í vinnu til að aðstoða börn sín með námið og fylgja því eftir að náminu sé sinnt. Það sé þó ekki á allra færi. Þá segir að mikilvægt sé að hafa í huga að ungmennin séu nú að takast á við nám í nýju umhverfi. Slíkt hafi áhrif á einbeitingu á námsárangur, á sama tíma og skólinn eigi að kenna þeim að vera sjálfstæðari og ábyrgari. „Þetta eru bara sögur úr MS en það eru þúsundir unglinga á Íslandi í svipaðri stöðu. Við hvetjum skólasamfélagið í heild til að vinna saman að því að koma öllum í staðarnám og deila af reynslu og árangri. Hér má læra af því sem vel hefur verið gert í öðrum skólum sem hafa þegar tryggt staðarnám að hluta,“ segir í áskoruninni. Þá meta forráðamennirnir sem undir áskorunina skrifa það svo að sóttvarnayfirvöld telji óhætt að hefja staðnám og vísa til orða Ölmu Möller landlæknis um að lokun skóla ætti að beita sem „allra síðasta úrræði“ í baráttunni við útbreiðslu kórónuveirunnar. „Nám í MS var ekki sniðið með það fyrir augum að vera kennt í fjarnámi. Það er neyðarúrræði sem þurfti að beita um stund en nú er lag að skólasamfélag MS komi saman og hefji staðarnám,“ segir í áskoruninni, sem yfir 100 foreldrar eða forráðamenn eru skráðir fyrir. Skóla - og menntamál Faraldur kórónuveiru (COVID-19) Börn og uppeldi Reykjavík Mest lesið Óttast að áætlanir ráðherra muni fækka leigubílstjórum Innlent Fundu Guð í App store Erlent Eiga eftir að ráða tólf starfsmenn svo hægt sé að opna allar deildir Innlent Segja áform ráðherra grafa undan þjónustu Innlent Sumarfríið allt of langt fyrir þau börn sem eingangra sig félagslega Innlent Skorast ekki undan ábyrgð vilji flokksmenn nýjan oddvita Innlent Nýr kókaínkóngur í Mexíkó Erlent Nýburar fæðast í nikótínfráhvörfum Innlent Aðalsteinn volgur og Björg orðuð við oddvitann Innlent SUS gefur fundarmönnum bol í anda Charlies Kirk Innlent Fleiri fréttir Sumarfríið allt of langt fyrir þau börn sem eingangra sig félagslega Segja áform ráðherra grafa undan þjónustu Óttast að áætlanir ráðherra muni fækka leigubílstjórum Ekki eigi að stjórna borginni út frá „pólitískri kreddu“ Eiga eftir að ráða tólf starfsmenn svo hægt sé að opna allar deildir Skorast ekki undan ábyrgð vilji flokksmenn nýjan oddvita Nýburar fæðast í nikótínfráhvörfum Skipulagsbreytingar á framhaldsskólastigi í vændum Mæður sem taka í vörina á meðgöngu og missáttir leigubílstjórar Björn strax hættur í íþróttaráði: „Þetta var bara prinsippmál“ SUS gefur fundarmönnum bol í anda Charlies Kirk Eins og löglærður forstjóri spítala væri að skera upp sjúklinga Aðalsteinn volgur og Björg orðuð við oddvitann Eldur í ruslageymslu á Selfossi Segist hafa flækst í umfangsmikið fíkniefnamál fyrir hreina tilviljun Annar oddviti L-listans á Akureyri hættir í bæjarstjórn Ók á fimm til sex kyrrstæða bíla Næsta skref að tryggja að próf leigubílstjóra verði alfarið á íslensku „Fólk hefur hætt eða nánast verið bolað úr starfi síðan hún tók við“ Tilkynntur til lögreglu Flóamenn taka fálega í þreifingar Árborgara Óveðurský yfir Sólheimum og deilt á ríkisendurskoðanda Meirihluti vill flugvöllinn áfram í Vatnsmýri Táningar reka veitingastað: „Maður verður að hafa fyrir lífinu“ Stöðvarskyldan snýr aftur: Eykur öryggi farþega og neytendavernd Hildur vill leiða áfram en Guðlaugur loðinn í svörum „Þegar þú verður ráðherra verður þú að tala af ábyrgð“ Ekkert bólaði á ræðumanni Biðin eftir leikskólaplássi kostaði móður vinnuna Lýsti sjálfsvígshugsunum í pontu Alþingis Sjá meira
Foreldrar og forráðamenn nemenda í Menntaskólanum við Sund hafa farið þess á leit við stjórnendur skólans að hefja staðnám fram að jólaleyfi. Í áskorun um að opna skólann, sem ber yfirskriftina „Erfið staða nemenda,“ er sagt mikilvægt að nemendur fái að koma inn í skólann að einhverju marki, þar sem aðstæður leyfi það nú. Samkvæmt núgildandi reglugerð heilbrigðisráðherra mega framhaldsskólanemendur vera 25 saman í hverju rými. Einhverjir skólar hafa ákveðið að hefja staðnám, en aðrir hafa haldið fjarnámsfyrirkomulagi óbreyttu, þrátt fyrir heimild til staðnáms. Menntaskólinn við Sund er þar á meðal. „Það gæti breytt miklu til hins betra fyrir marga nemendur að fá að hitta kennara, sjá samnemendur sína og fá það aðhald og hvatningu sem skólaumhverfið færir með staðarnámi. Skólinn er vel í stakk búinn til að taka upp kennslu nú þegar smit hafa gengið niður og ný önn er hafin. Nú er það skólans að sýna að hann sé fremstur meðal jafningja,“ segir í áskoruninni. Með áskoruninni fylgir fjöldi frásagna foreldra af líðan barna sinna í fjarnámi. Flestar eiga þær sameiginlegt að lýsa erfiðleikum barnanna við að halda rútínu, auknu áhugaleysi á náminu og verri námsárangri. „Duglegur nemandi hefur einangrast félagslega. Hann hittir einn jafnaldra sem er í öðrum skóla en dvelur annars mest inni í herberginu sínu, sefur á daginn og vakir á næturnar. Andleg líðan þyngist dag frá degi. Svartnætti er eina orðið sem móður hans dettur í hug að fangi lýsinguna á ástandi barns síns varðandi framtíðarhorfur hans og námsins,“ segir í einni frásögninni. „Þúsundir unglinga á Íslandi í svipaðri stöðu“ Þá er vakin athygli á því í áskoruninni að aðstæður framhaldsskólanemenda heima fyrir geti verið ólíkar. Sumir foreldrar hafi getað verið sveigjanlegir í vinnu til að aðstoða börn sín með námið og fylgja því eftir að náminu sé sinnt. Það sé þó ekki á allra færi. Þá segir að mikilvægt sé að hafa í huga að ungmennin séu nú að takast á við nám í nýju umhverfi. Slíkt hafi áhrif á einbeitingu á námsárangur, á sama tíma og skólinn eigi að kenna þeim að vera sjálfstæðari og ábyrgari. „Þetta eru bara sögur úr MS en það eru þúsundir unglinga á Íslandi í svipaðri stöðu. Við hvetjum skólasamfélagið í heild til að vinna saman að því að koma öllum í staðarnám og deila af reynslu og árangri. Hér má læra af því sem vel hefur verið gert í öðrum skólum sem hafa þegar tryggt staðarnám að hluta,“ segir í áskoruninni. Þá meta forráðamennirnir sem undir áskorunina skrifa það svo að sóttvarnayfirvöld telji óhætt að hefja staðnám og vísa til orða Ölmu Möller landlæknis um að lokun skóla ætti að beita sem „allra síðasta úrræði“ í baráttunni við útbreiðslu kórónuveirunnar. „Nám í MS var ekki sniðið með það fyrir augum að vera kennt í fjarnámi. Það er neyðarúrræði sem þurfti að beita um stund en nú er lag að skólasamfélag MS komi saman og hefji staðarnám,“ segir í áskoruninni, sem yfir 100 foreldrar eða forráðamenn eru skráðir fyrir.
Skóla - og menntamál Faraldur kórónuveiru (COVID-19) Börn og uppeldi Reykjavík Mest lesið Óttast að áætlanir ráðherra muni fækka leigubílstjórum Innlent Fundu Guð í App store Erlent Eiga eftir að ráða tólf starfsmenn svo hægt sé að opna allar deildir Innlent Segja áform ráðherra grafa undan þjónustu Innlent Sumarfríið allt of langt fyrir þau börn sem eingangra sig félagslega Innlent Skorast ekki undan ábyrgð vilji flokksmenn nýjan oddvita Innlent Nýr kókaínkóngur í Mexíkó Erlent Nýburar fæðast í nikótínfráhvörfum Innlent Aðalsteinn volgur og Björg orðuð við oddvitann Innlent SUS gefur fundarmönnum bol í anda Charlies Kirk Innlent Fleiri fréttir Sumarfríið allt of langt fyrir þau börn sem eingangra sig félagslega Segja áform ráðherra grafa undan þjónustu Óttast að áætlanir ráðherra muni fækka leigubílstjórum Ekki eigi að stjórna borginni út frá „pólitískri kreddu“ Eiga eftir að ráða tólf starfsmenn svo hægt sé að opna allar deildir Skorast ekki undan ábyrgð vilji flokksmenn nýjan oddvita Nýburar fæðast í nikótínfráhvörfum Skipulagsbreytingar á framhaldsskólastigi í vændum Mæður sem taka í vörina á meðgöngu og missáttir leigubílstjórar Björn strax hættur í íþróttaráði: „Þetta var bara prinsippmál“ SUS gefur fundarmönnum bol í anda Charlies Kirk Eins og löglærður forstjóri spítala væri að skera upp sjúklinga Aðalsteinn volgur og Björg orðuð við oddvitann Eldur í ruslageymslu á Selfossi Segist hafa flækst í umfangsmikið fíkniefnamál fyrir hreina tilviljun Annar oddviti L-listans á Akureyri hættir í bæjarstjórn Ók á fimm til sex kyrrstæða bíla Næsta skref að tryggja að próf leigubílstjóra verði alfarið á íslensku „Fólk hefur hætt eða nánast verið bolað úr starfi síðan hún tók við“ Tilkynntur til lögreglu Flóamenn taka fálega í þreifingar Árborgara Óveðurský yfir Sólheimum og deilt á ríkisendurskoðanda Meirihluti vill flugvöllinn áfram í Vatnsmýri Táningar reka veitingastað: „Maður verður að hafa fyrir lífinu“ Stöðvarskyldan snýr aftur: Eykur öryggi farþega og neytendavernd Hildur vill leiða áfram en Guðlaugur loðinn í svörum „Þegar þú verður ráðherra verður þú að tala af ábyrgð“ Ekkert bólaði á ræðumanni Biðin eftir leikskólaplássi kostaði móður vinnuna Lýsti sjálfsvígshugsunum í pontu Alþingis Sjá meira