Knatthús mun rísa í Vesturbænum

Arnar Geir Halldórsson skrifar 21. nóvember 2020 08:00

Reykjavíkurborg hefur samþykkt að ganga til viðræðna við KR um byggingu fjölnota knatthúss á íþróttasvæði KR í vesturbæ Reykjavíkur. Tilkynning þess efnis var send út á heimasíðu félagsins í kvöld.

Þar segir að KR hafi undanfarin ár átt í viðræðum og samstarfi við Reykjavíkurborg um uppbyggingu íþróttamannvirkja á KR svæðinu með það að markmiði að bæta aðstöðu félagsins til íþrótta- og félagsstarfs og nú sjái fyrir endann á fyrsta hluta þeirrar vinnu.

Á þessu ári hafi verið ráðist í vinnu við að skilgreina og forgangsraða uppbyggingu íþróttamannvirkja á höfuðborgarsvæðinu og fjölnota knatthús á KR svæðinu hafi raðast hátt í þeirri þarfagreiningu.

Tvö knatthús eru í Reykjavíkurborg en það er annars vegar Egilshöll í Grafarvogi og hins vegar nýtt hús á félagssvæði ÍR í Mjóddinni.

KR Íslenski boltinn Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.