Jósef Kristinn hættur

Jósef Kristinn Jósefsson er hættur knattspyrnuiðkun. Þetta kom fram á Fésbókarsíðu Stjörnunnar í dag.

Jósef Kristinn er uppalinn í Grindavík þar sem hann lék til ársins 2011 en þá prufaði hann fyrir sér í atvinnumennsku.

Það stóð þó einungis í hálft ár, vera hans í Búlgaríu, en hann snéri til Grindavíkur. Árið 2017 hélt svo leiðin í Garðabæ.

Þar lék Jósef við góðan orðstír en hann varð m.a. bikarmeistari með félaginu.

Hann á að baki landsleiki fyrir öll yngri landslið Íslands.