Landsliðið í sveitaballatónlist heiðruðu Ingó með nærveru sinni síðasta föstudagskvöld í þættinum Í kvöld er gigg. 

Birgitta, Hreimur og Gunni Óla sungu með Ingó lög hljómsveita sinna ásamt nokkrum vel völdum þjóðhátíðarlögum að vanda. Mikil stemmning var í salnum þetta kvöld og greinilegt að sjá að Ingó sjálfur naut sín sérstaklega vel.

 Í þættinum brá hann út af vananum og söng sjálfur nokkur lög með dyggri aðstoð gesta sinna. Hann hrósaði Hreimi fyrir að vera góður lagasmiður áður en hann rétti Hreimi gítarinn sinn og bað um að fá að syngja eitt laga hans. 

Hér fyrir neðan má sjá Ingó flytja eitt af hugljúfari ástarlögum Landi og sona, lagið Dreymir.