Fyrsti útisigur strákanna vannst í Lúxemborg

Íslenska 21 árs landsliðið vann 2-0 sigur á heimamönnum í Lúxemborg í dag í undankeppni EM en þetta voru fyrstu stig íslensku strákanna á útivelli í undankeppninni.

Íslensku strákarnir voru manni fleiri síðasta hálfltíma leiksins en tókst ekki að bæta við mörkin tvö sem liðið skoraði með tveggja mínútna millibili í fyrri hálfleiknum.

Ísak Óli Ólafsson, miðvörður Sönderjyske, og Sveinn Aron Guðjohnsen, framherji OB, skoruðu mörk íslenska liðsins í fyrri hálfleiknum.

Íslenska liðið hafði unnið alla fjóra heimaleiki sína í keppninni til þessa en tapað báðum útileikjunum með markatölunni 0-8 á móti Svíum og Ítölum. Nú kom því bæði fyrsta markið og fyrstu stigin á útivelli.

Íslenska liðið er með 15 stig eftir sjö leiki en liðið er í harðri toppbaráttu í riðlinum við Írland, Ítalíu og Svíþjóð. Það er mikil spenna á toppnum en Ísland og Ítalía eiga leik inni eftir að leik þjóðanna síðasta föstudag var frestað eftir hópsmit innan ítalska liðsins.

Íslenska liðið skoraði tvö mörk með tveggja mínútna millibili eftir hálftíma leik. Miðvörðurinn Ísak Óli Ólafsson skoraði fyrra markið á 30. mínútu eftir hornspyrnu frá Ísaki Bergmann Jóhannessyni.

Sveinn Aron Guðjohnsen kom íslenska liðinu í 2-0 tveimur mínútum síðar en Sveinn Aron skoraði líka fyrsta mark leiksins í heimaleiknum á móti Lúxemborg auk þess að skora sigurmörkin í 1-0 sigrum á Írum og Svíum.

Fyrirliðinn Alfons Sampsted fiskaði tvö gul spjöld á Gianni Medina með níu mínútna millibili i seinni hálfleik og Medina fékk því rautt spjald á 62. mínútu. Íslenska liðið náði ekki að bæta við mörkum manni færri.