Subway-brauð ekki brauð á Írlandi

Hallgerður Kolbrún E. Jónsdóttir skrifar 1. október 2020 18:11

Subway brauð er ekki talið brauð á Írlandi, heldur bakkelsi, vegna þess hve mikill sykur er í „brauðinu.“ (AP Photo/Charles Krupa

Hæstiréttur Írlands dæmdi í dag að brauðið sem selt er á skyndibitastaðnum Subway innihaldi svo mikinn sykur að það geti lagalega ekki flokkast sem brauð.

Niðurstaðan náðist vegna skattamáls sem Bookfinders, eigandi Subway á Írlandi, hafði höfðað vegna þess að það taldi að ekki ætti að leggja virðisaukaskatt á sumar vörurnar sem seldar eru á stöðunum, til dæmis kaffi, te og samlokur.

Hæstiréttur hafnaði kröfu Bookfinders í dag og var niðurstaðan sú að of mikill sykur væri í brauðinu sem selt er á Subway til þess að hægt sé að flokka það sem nauðsynjavöru, sem er ekki skattlögð.

„Það er engin spurning að í brauðinu Subway selur, og notar í hituðu samlokurnar sínar, vegur sykurinn 10% þess sem hveitið vegur í brauðinu og nær því yfir 2 prósent markið,“ segir í dómnum samkvæmt frétt AP.

Í lögum Írlands er greint á milli brauðs sem er nauðsynjavara og annarra bakkelsa sem innihalda meira sykurmagn.

Írland Matur Skattar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.