Lífið samstarf

Heimurinn er að breytast – neytendur vilja val um annað en plast

Plastlaus september
Þóra Þórisdóttir, eigandi Matarbúðarinnar Nándin hlaut Bláskelina í ár. Hún flytur erindin á málþinginu Frá upphafi til enda. Helga Hauksdóttir skipuleggur málþingið sem hefst klukkan 17 í dag.
Þóra Þórisdóttir, eigandi Matarbúðarinnar Nándin hlaut Bláskelina í ár. Hún flytur erindin á málþinginu Frá upphafi til enda. Helga Hauksdóttir skipuleggur málþingið sem hefst klukkan 17 í dag. Vilhelm

Frá upphafi til enda er yfirskrift málþings sem bindur endahnútinn á Plastlausan september þetta árið. Málþingið hefst klukkan 17 í dag og er haldið í Veröld – húsi Vigdísar, í Auðarsal  málþinginu verður streymt á Vísi. Fjallað verður um virðiskeðju vöru allt frá framleiðanda til neytenda og loks endurvinnslu og verða örerindi flutt af fulltrúum allra þessara liða.

Hlutu Bláskelina fyrir hringrásarkerfi með gler

Þóra Þórisdóttir, einn eigenda Matarbúðarinnar Nándin flytur erindi á málþinginu en hún hlaut á dögunum Bláskelina, viðurkenningu umhverfis- og auðlindaráðuneytis fyrir framúrskarandi plastlausar lausnir.

Í versluninni eru allar matvörur í umhvrfisvænum og endurvinnanlegum umbúðum.Vilhelm

„Við erum að byggja upp plastlausa Matarbúð hér á horninu á Austurgötu í Hafnarfirði. Við seljum allar helstu matvörur í glerflöskum og -krukkum og eins seljum við kjötvöru og fisk í sérstökum vakúm-pokum sem vottað er að brotna niður í heima-moltu. Við notum moltuvænt sellófan og matvælabréf utan um grænmeti og ávexti og reynum að finna nýjar leiðir til að auka endingartíma matvælanna,“ útskýrir Þóra. Verðlaunin fengu þau fyrir hringrásarkerfi glerumbúða í versluninni og endurnýtingu þeirra.

„Allt gler sem við seljum geta viðskiptavinir skilað aftur til okkar, við þvoum það og sótthreinsum og komum því aftur í notkun. Við erum að setja upp sérhannaða þvottastöð í framleiðslustöðinni okkar á Básvegi í Keflavík þar sem við áætlum að opna aðra plastlausa verslun í október. Viðskiptavinir okkar hafa verið alveg frábærir og duglegir að skila notuðu gleri aftur í hringrásina.“

Neytendur verða að eiga kost á að velja annað en plast segir Þóra.Vilhelm

Verðum að geta valið annað en plast

Þóra segir plast fyrirferðamikið efni í allri matvælaframleiðslu og pökkun og ekki einfalt að skipta því út. Einhversstaðar þurfi þó að byrja og gefa neytendum kost á að hafa val.

„Við neytendur fáum stöðugt að heyra að það séum við sem fyllum höfin af plasti en svo er hvergi hægt að kaupa almennar matvörur nema í plasti. Þetta getur verið flókið, það er ástæða fyrir því að plast er notað til dæmis til að pakka ávöxtum og grænmeti, plastið heldur ferskleikanum lengur og það virðist ódýrara og einfaldara að nota plast. Hins vegar er heimurinn að breytast og ýmislegt sem ekki var hægt að gera fyrir nokkrum árum er orðið mögulegt í dag. Það er verið að búa til lausnir. Að okkar mati eru tvær stórar ástæður fyrir því að við ættum öll að hætta að nota plast, annars vegar út af umhverfinu og hafinu og hins vegar út af heilsufarsástæðum. Það er búið að sýna fram á það að plast af flestöllum gerðum lekur efnum frá sér við ákveðnar aðstæður. Með því að bjóða sjálfum okkur og neytendum upp á raunverulegan valmöguleika að versla plastlausar ferskar matvörur tökum við fyrsta skrefið í átt að breytingum,“ segir Þóra.

Vilhelm

Auk Þóru halda fulltrúar frá frá Mjólkursamsölunni, Sölufélagi garðyrkjumanna, neytenda og SORPU erindi á málþinginu. Eftir það taka við pallborðsumræður. Fundarstjóri er Gréta María Grétarsdóttir, stjórnarformaður Matvælasjóðs. Málþingið hefst klukkan 17 í dag og er haldið í Veröld – húsi Vigdísar, í Auðarsal.

Hlekkur á streymið er hér fyrir neðan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.