„Ég og Sverrir smullum saman sem vinir svo það varð að verða eitthvað samstarf“

Ása Ninna Pétursdóttir skrifar 22. september 2020 20:42

Jóhanna Guðrún og Sverrir segja skemmtilega sögu af samstarfi sínu í þættinum Í kvöld er gigg. Skjáskot

„Mér finnst mjög skemmtilegt að gera grín að þér og skjóta á þig,“ sagði Jóhanna Guðrún við Sverri Bergmann þegar þau rifjuðu upp hvernig það atvikaðist að þau byrjuðu að vinna saman. Jóhanna og Sverrir voru fyrstu gestir þáttarins Í kvöld er gigg en hann er í umsjón Ingó Veðurguðs næstu föstudagskvöld á Stöð 2.

Lagið Viðhengi hjartans í flutningi Jóhönnu og Sverris, er fyrsti dúettinn þeirra saman en lagið sömdu þeir Halldór Gunnar Fjallabróðir og Magnús Þór Sigmundsson.

Í myndklippunni hér að neðan segja Jóhanna og Sverrir frá skemmtilegri sögu sem varð til þess að þau ákváðu að hittast og prófa að vinna saman. Afrakstur þess samstarfs varð svo lagið Viðhengi hjartans sem einnig má sjá hér að neðan.

Næsti þáttur af Í kvöld er gigg verður sýndur næsta föstudagskvöld kl. 18:55 á dagskrá Stöðvar 2.

Tónlist Bíó og sjónvarp Í kvöld er gigg

Tengdar fréttir

Hjartnæmur flutningur Sverris Bergmann og Jóhönnu Guðrúnar á laginu Shallow

Síðasta föstudagskvöld var fyrsti þátturinn af Í kvöld er gigg sýndur en þetta er fyrsti þátturinn af sex. Þættirnir eru í umsjón Ingó Veðurguðs og fékk hann söngdívurnar Sverri Bergmann og Jóhönnu Guðrúnu til að syngja með sér sín uppáhalds dægurlög.

20. september 2020 21:22

Sjáðu gæsahúðarflutning Jóhönnu Guðrúnar á laginu I Will Always Love You

Jóhanna Guðrún sló rækilega í gegn með stórkostlegum flutningi sínum á laginu I Will Always Love you í fyrsta þættinum af Í kvöld er gigg. Umsjónamaður þáttarins er Ingó Veðurguð og voru fyrstu gestirnir söngdívurnar Jóhanna Guðrún og Sverrir Bergmann.

18. september 2020 19:54

„Gigg sem ég væri til í á hverju kvöldi“

Annað kvöld fer í loftið nýr þáttur á Stöð 2 í umsjón tónlistarmannsins Ingólfs Þórarinssonar sem er betur þekktur sem Ingó Veðurguð. Þátturinn ber nafnið Í kvöld er gigg, þar sem Ingó býður landsmönnum í partý með sínu uppáhalds tónlistarfólki.

17. september 2020 20:26

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.