Wolves fær leikmann frá Liverpool

Hollendingurinn Ki-Jana Hoever er genginn í raðir Wolves í ensku úrvalsdeildinni frá Liverpool.

Hoever er 18 ára gamall varnarmaður sem hefur fengið tækifæri í bikarleikjum með aðalliði Liverpool en á enn eftir að spila í ensku úrvalsdeildinni. Wolves hafði áður í sumar keypt 18 ára gamlan leikmann í framherjanum Fabio Silva.

Kaupverðið sem Úlfarnir þurfa að borga Liverpool er talið 13,5 milljónir punda. Diogo Jota er á sama tíma við það að ganga til liðs við Liverpool frá Wolves.