Fótbolti

Ísak Bergmann undir smásjá Juventus

Runólfur Trausti Þórhallsson skrifar
Ísak Bergmann er undir smásjá ítalska stórliðsins Juventus. 
Ísak Bergmann er undir smásjá ítalska stórliðsins Juventus.  Vísir/SVT

Útsendarar ítalska stórveldisins Juventus fylgdust með Ísaki Bergmanni Jóhannessyni, leikmanni Norrköping í sænsku úrvalsdeildinni, í kvöld er lið hans vann Kalmar 2-0 á útivelli. 

Þetta kemur fram á sænska miðlinum Expressen.

Hinn 17 ára gamli Ísak Bergmann hefur átt frábært tímabil í liði Norrköping og skoraði fyrra mark liðsins í 2-0 sigri liðsins á útivelli gegn Kamar í kvöld. Var það þriðja mark Ísaks á tímabilinu en hann hefur einnig lagt upp sex mörk.

Irma Helin, sérfræðingur Dplay – sem sýnir sænska boltann – segir að Ísak Bergmann sé einstakur leikmaður. Að hafa jafn gott auga fyrir leiknum og Ísak hefur sé í raun magnað miðað við aldur hans.

Það verður spennandi að fylgjast með hvort Juventus – sem hefur unnið ítölsku úrvalsdeildina níu ár í röð – festi kaup á íslenska unglingalandsliðsmanninum. Hann lék sinn fyrsta leik fyrir íslenska U21 árs landsliðið á dögunum er liðið lagði Svíþjóð af velli. Alls á hann 22 leiki fyrir yngri landsliðin og hefur gert í þeim 11 mörk.


Tengdar fréttir

Ísak Berg­mann og Jón Dagur skoruðu báðir | Sjáðu mörkin

Þeir Ísak Bergmann Jóhannesson og Jón Dagur Þorsteinsson skoruðu báðir er lið þeirra unnu góða sigra í sænsku og dönsku úrvalsdeildinni í dag. Þá umturnaði Kjartan Henry Finnbogason sóknarleik Vejle með innkomu sinni.




Fleiri fréttir

Sjá meira


×