Erlent

Endur­greiða um 440 milljónir vegna endur­bóta

Atli Ísleifsson skrifar
Meghan Markle og Harry Bretaprins.
Meghan Markle og Harry Bretaprins. EPA

Harry Bretaprins hefur endurgreitt 2,4 milljónir punda, um 440 milljónir íslenskra króna, til breska ríkisins vegna framkvæmdanna sem ráðist var í við Frogmore Cottage á síðasta ári þar sem breytingar voru gerðar innanhúss eftir höfði Harry og eiginkonu hans, Meghan Markle.

Breskir fjölmiðlar segir að hertoginn af Sussex muni halda Frogmore Cottage, sem byggt var á átjándu öld, sem híbýli fjölskyldu sinnar þegar þau dvelja í Bretlandi.

Elísabet drottning gaf á sínum tíma þeim Harry og Meghan Frogmore Cottage, sem er að finna skammt frá Windsor-kastala, vestur af London, en vitað var að ráðast þyrfti í umfangsmiklar endurbætur á húsinu til að gera það almennilega íbúðarhæft.

Frogmore Cottage, vestur af London.GEtty

Harry og Meghan tilkynntu það í janúar síðastliðinn að þau myndu hætta í framlínu bresku konungsfjölskyldunnar og framvegis búa bæði í Bretlandi og Norður-Ameríku. Hjónin keyptu nýverið hús í Montecito, nærri Santa Barbara í Kaliforníu.

Þau vinna nú að því að verða fjárhagslega sjálfstæð og gátu þau endurgreitt kostnaðinn við endurbætur hússins eftir að hafa skrifað undir margmilljóna samning við Netflix um framleiðslu sjónvarpsþátta, kvikmynda og barnaþátta, en þau Harry og Meghan hafa þegar komið eigin framleiðslufyrirtæki á laggirnar.


Tengdar fréttir

Verða ekki lengur hans og hennar hátign frá og með vori

Breska konungsfjölskyldan hefur tilkynnt að Harry Prins og eiginkona hans, Meghan Markle, muni missa réttinn til að titla sig hans- og hennar hátign frá og vorinu. Þá munu þau einnig ekki lengur þiggja fjármuni frá konungshöllinni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.