Sport

Wilder ætlar að rota Fury og toppa Ali

Ingvi Þór Sæmundsson skrifar
Wilder og Fury mætast öðru sinni á laugardaginn.
Wilder og Fury mætast öðru sinni á laugardaginn. vísir/getty

Deontay Wilder ætlar að rota Tyson Fury þegar þeir mætast í titilbardaga í þungavigt á laugardaginn. Vinni Wilder ver hann titilinn sinn í ellefta sinn í röð og toppar þar með goðið sitt, Muhammad Ali.

Wilder og Fury gerðu umdeilt jafntefli 1. desember 2018. Þetta er eini bardaginn sem þessir mögnuðu hnefaleikakappar hafa ekki unnið á ferlinum.

Wilder hefur unnið 42 af 43 bardögum sínum, þar af 41 með rothöggi. Hann vill bæta 43. sigrinum við þegar hann mætir Fury á laugardaginn.

„Það yrði frábær tilfinning, að verja titilinn í ellefta sinn í röð. Mér datt aldrei í hug að ég yrði heimsmeistari í þungavigt og jafn hetjunni minni, Ali,“ sagði Wilder.

„Þegar ég hef sigrað Fury með svakalegu rothöggi mun ég fara enn lengra og slá metið.“

Wilder vonast til að sigur á Fury skili honum aukinni virðingu. Honum hefur lengi fundist hann ekki vera metinn að verðleikum í heimalandinu.

„Það er erfitt þegar íþróttin þín er ekki á toppnum hér í Bandaríkjunum,“ sagði Wilder sem sigraði Kúbverjinn Luis Ortiz í síðasta bardaga sínum 23. nóvember 2019.

Box


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.