Lífið

Matthew Perry gerir Friends aðdáendur yfir sig spennta með tísti

Stefán Árni Pálsson skrifar
Perry fór á kostum sem Chandler í þáttunum.
Perry fór á kostum sem Chandler í þáttunum. getty/Charles Sykes

Leikarinn Matthew Perry náði að gera allt vitlaust með þriggja orða tísti í nótt. Þar skrifar hann: „Big news coming“ eða „stórar fréttir bráðlega“ á íslenskunni.

Perry fór með hlutverk Chandler í gamanþáttunum Friends sem voru í loftinu frá 1994-2004 og eru líklega vinsælustu þættir sögunnar.

Í dag horfa milljónir manna á þættina á hverjum einasta degi allan ársins hring. Aðdáendur þáttanna hafa í mörg ár velt því fyrir sér hvort endurkoma hópsins á hvíta tjaldið sé möguleiki.

Perry virðist hafa endurvakið þann orðróm með tístinu eins og erlendir miðlar greina frá í dag.  






Fleiri fréttir

Sjá meira


×