Öruggur 25 stiga sigur hjá Hauki og félögum

Haukur Helgi Pálsson stóð fyrir sínu þegar Unics Kazan vann stórsigur á Galatasary, 94-69, í EuroCup í körfubolta í kvöld.

Unics Kazan er í 2. sæti G-riðils. Liðið hefur unnið tvo af fyrstu þremur leikjum sínum og tapað einum.

Haukur var í byrjunarliði Unics Kazan og lék í 24 mínútur.

Hann skoraði tíu stig í leiknum. Haukur hitti úr tveimur af fjórum skotum inni í teig og skoraði tvær þriggja stiga körfur í þremur tilraunum.

Fimm leikmenn Unics Kazan skoruðu tíu stig eða meira í leiknum.

Næsti leikur Unics Kazan í EuroCup er einnig gegn Galatasary en á útivelli.