Erlent

Þremur eld­flaugum skotið á banda­ríska sendi­ráðið í Bagdad

Atli Ísleifsson skrifar
Mikil mótmæli hafa verið gegn íröksku ríkisstjórninni í Bagdad síðustu daga.
Mikil mótmæli hafa verið gegn íröksku ríkisstjórninni í Bagdad síðustu daga. AP

Þremur eldflaugum var í dag skotið á bandaríska sendiráðið í íröksku höfuðborginni Bagdad. Sendiráðið er að finna á græna svæðinu svokallaða þar sem öryggisgæsla er mikil.

Talsmaður írakskra öryggissveita segir að ekki hafi borist tilkynningar um manntjón, að því er fram kemur í frétt AFP.

Óeirðir hafa verið á götum Bagdad í dag og í kvöld þar sem öryggissveitir hafa beitt táragasi gegn mótmælendum. Mótmælendur hafa varpað eldsprengjum, grjóti og öðru lauslegu að öryggissveitum.

Ekki liggur fyrir hver eða hverjir skutu eldflaugunum að sendiráðinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.