Erlent

Kínverskt könnunarfar á leið til Mars

Gunnar Reynir Valþórsson skrifar
Þetta er annað af þremur geimskotum til Mars á ellefu daga tímabili, en á mánudag skutu Sameinuðu Arabísku Furstadæmin eldflaug til plánetunnar. 
Þetta er annað af þremur geimskotum til Mars á ellefu daga tímabili, en á mánudag skutu Sameinuðu Arabísku Furstadæmin eldflaug til plánetunnar.  Vísir/AP

Kínverjar skutu í nótt á loft geimfari sem mun flytja könnunarfar til plánetunnar Mars. Könnunarfarið er sexhjóla vélknúinn sjálfstýrður bíll sem á að kanna skilyrði á plánetunni en búist er við að geimfarið komist á sporbaug um Mars í febrúar næstkomandi.

Ekki stendur þó til að koma könnunarfarinu, sem kallast Tianwen - 1 niður á fast land Mars fyrr en tveimur til þremur mánuðum síðar, eftir að búið verður að gera ýmis próf á umhverfi plánetunnar.

Kínverska verkefnið er annað af þremur geimskotum til Mars á aðeins ellefu daga tímabili.

Á mánudag skutu Sameinuðu Arabísku Furstadæmin eldflaug til Mars. Eftir viku ætlar Geimferðastofnun Bandaríkjanna, NASA, að senda nýtt könnunarfar, Perseverence, til rauðu plánetunnar.


Tengdar fréttir

Furstadæmin á leið til Mars í fyrsta sinn

Geimferðastofnun Sameinuðu arabísku furstadæmanna hefur sett stefnuna á rauðu plánetuna Mars en könnunarhnettinum Hope var skotið á loft japönsku geimstöðinni Tanegashima í gær.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.