Enski boltinn

Segir að Totten­ham hefði unnið Liver­pool í Madríd með Dem­bele innan­borðs

Anton Ingi Leifsson skrifar
Trippier þakkar stuðningsmönnum Tottenham fyrir stuðninginn á meðan Liverpool menn fagna.
Trippier þakkar stuðningsmönnum Tottenham fyrir stuðninginn á meðan Liverpool menn fagna. vísir/getty

Kieran Trippier, fyrrum varnarmaður Tottenham og nú leikmaður Atletico Madrid, segir að félagið hefði unnið Meistaradeildina á síðustu leiktíð hefðu þeir haldið Mousa Dembele.

Tottenham tapaði úrslitaleiknum fyrir Liverpool í Madríd en Dembele gekk í raðir kínverska félagsins Guangzhou R&F fyrir ellefu milljónir í janúar 2019 eftir sjö ár hjá Tottenham.

„Þeir eru með góða leikmenn en þetta litla sem skipti máli var augljóslega þegar Mousa fór. Það er mín skoðun,“ sagði enski varnarmaðurinn í samtali við hlaðvarpið Beautiful Game.

„Sem leikmaður þá viltu ekki sjá leikmann eins og Mousa fara, sérstaklega ekki í janúar, nema hann hafi þurft að fara eða eitthvað. Í hreinskilni þá veit ég það ekki.“

„Þetta gengur ekki upp fyrir mér því hann er þetta litla sem þú þarft til þess að vinna Meistaradeildina. Svo góður var hann. Það gátu verið þrír leikmenn í kringum hann og þú gast gefið honum boltann.“

„Leikmennirnir báru gríðarlega mikla virðingu fyrir honum og þegar þú sérð svoleiðis leikmann fara í janúar þegar þú ert að ganga í gegnum efiðleika, er eitthvað sem ég skil ekki,“ sagði Trippier.

Trippier gkek í raðir Atletico Madrid síðasta sumar og hefur spilað vel á Ítalíu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.