Íslenski boltinn

Starfsfólk og varamenn KR laus úr sóttkví

Ingvi Þór Sæmundsson skrifar
KR er án stiga eftir þrjár umferðir í Pepsi Max-deild kvenna.
KR er án stiga eftir þrjár umferðir í Pepsi Max-deild kvenna. vísir/hag

Þjálfarar og starfsfólk meistaraflokks kvenna hjá KR eru laus úr sóttkví. Aðstoðarþjálfari KR, Aníta Lísa Svansdóttir, greindi frá þessu á Twitter.

Leikmaður Breiðabliks greindist með kórónuveiruna á fimmtudaginn í síðustu viku. Tveimur dögum áður hafði liðið mætt KR í Pepsi Max-deild kvenna. Blikar unnu leikinn, 6-0.

Allir leikmenn og starfsfólk KR fóru í sóttkví eftir að smitið greindist. En eftir að smitrakningarteymi skoðaði leikinn gaumgæfilega var ákveðið að þjálfarar og starfsfólk KR þyrftu ekki að vera í sóttkví. Sömu sögu er að segja að af þeim varamönnum sem komu ekki inn á í leiknum.

Þrettán leikmenn KR eru í sóttkví og ákveðið hefur verið að fresta næstu tveimur leikjum liðsins í Pepsi Max-deildinni, gegn FH og Selfossi.

Alls er búið að fresta sex leikjum í Pepsi Max-deild kvenna vegna kórónuveirunnar. Smit hefur einnig greinst hjá Fylki og allir leikmenn liðsins komnir í sóttkví.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.