Erlent

Ron Jeremy á­kærður fyrir þrjár nauðganir

Atli Ísleifsson skrifar
Ron Jeremy mætti fyrir dómara í Los Angeles í gær.
Ron Jeremy mætti fyrir dómara í Los Angeles í gær. EPA

Saksóknarar í Bandaríkjunum hafa ákært klámmyndaleikarann Ron Jeremy fyrir að hafa nauðgað þremur konum og ráðist á þá fjórðu.

BBC segir frá því að meint brot Jeremy eigi að hafa átt sér stað í Los Angeles á árunum 2014 og 2019 og hafi fórnarlömbin verið milli 25 og 46 ára þegar brotin áttu sér stað.

Hinn 67 ára Ron Jeremy er eitt af stærstu nöfnunum í heimi klámmynda og hefur komið fram í rúmlega tvö þúsund myndum síðan á áttunda áratug síðustu aldar.

Verði hann fundinn sekur gæti hann átt yfir höfði sér allt að níutíu ára fangelsi.

Saksóknari í málinu segist fara fram á 6,6 milljóna dala tryggingu í málinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×