Innlent

Aldrei hafa fleiri sótt um nám við HR

Atli Ísleifsson skrifar
Umsóknum um meistaranám fjölgar í öllum deildum háskólans, um þriðjung að jafnaði.
Umsóknum um meistaranám fjölgar í öllum deildum háskólans, um þriðjung að jafnaði. HR

Alls hafa tæplega 3.900 sótt um skólavist við Háskólann í Reykjavík fyrir næsta skólaár.

Í tilkynningu frá skólanum segir það sé um 13 prósent fjölgun frá síðasta ári, en aldrei hafa fleiri sótt um nám við háskólann.

Segir að síðustu ár hafi um 1.500 nemendur hafið nám að hausti, en gert er ráð fyrir að þeir verði mun fleiri í ár.

„Umsóknum um meistaranám fjölgar í öllum deildum háskólans, um þriðjung að jafnaði. Innlendum umsóknum um grunnnám fjölgar um 14% milli ára. Mest er fjölgun í umsóknum um grunnnám, annað árið í röð, í iðn- og tæknifræðideild, eða 34%, en háskólinn hefur undanfarin tvö ár lagt áherslu á að kynna möguleika iðnlærðra á háskólanámi í samstarfi við stjórnvöld og Samtök iðnaðarins.

Einnig fjölgar umsóknum um grunnnám í sálfræðideild verulega eða um 34%. Flestar umsóknir bárust um grunnnám í tölvunarfræðideild eða ríflega 460,“ segir í tilkynningunni.

Reykjavík Skóla - og menntamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið