Augsburg ekki úr fallhættu

Sindri Sverrisson skrifar
Augsburg tókst ekki að skora gegn botnliði Paderborn í kvöld.
Augsburg tókst ekki að skora gegn botnliði Paderborn í kvöld. VÍSIR/GETTY

Augsburg og Paderborn, lið þeirra Alfreðs Finnbogasonar og Samúels Kára Friðjónssonar, gerðu markalaust jafntefli í 28. umferð þýsku 1. deildarinnar í fótbolta í kvöld.

Alfreð og Samúel hafa báðir glímt við meiðsli og voru ekki með í kvöld. Ekkert nema fall blasir við Paderborn sem er í neðsta sæti með aðeins 19 stig, níu stigum frá næsta örugga sæti. Augsburg er í 12. sæti með 31 stig en ekki alveg laust úr fallhættu eftir 2-1 sigur Fortuna Düsseldorf á Schalke í kvöld. Düsseldorf er í 16. sæti með 27 stig en liðið sem endar í 16. sæti þarf að fara í umspil við liðið úr 3. sæti næstefstu deildar.

Hoffenheim komst upp um tvö sæti með 3-1 sigri á Köln og er í 7. sæti með 39 stig, þremur stigum frá Evrópusæti. Union Berlín og Mainz gerðu svo 1-1 jafntefli.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.