Innlent

Telja sig hafa fundið manninn sem af­henti ung­lings­pilti hlaup­bangsana

Sunna Kristín Hilmarsdóttir skrifar
Tvær stúlkur voru fluttar meðvitundarlausar á sjúkrahús eftir að hafa innbyrt eitraða bangsana.
Tvær stúlkur voru fluttar meðvitundarlausar á sjúkrahús eftir að hafa innbyrt eitraða bangsana. Getty/Justin Sullivan

Lögreglan á Suðurnesjum telur sig hafa haft uppi á eldri manninum sem mun hafa afhent unglingspilti hlaupbangsa sem innihéldu kannabisefni og morfín. Tvær unglingsstúlkur voru fluttar meðvitundarlausar á sjúkrahús á föstudagskvöld eftir að hafa innbyrt bangsana.

Ólafur Helgi Kjartansson, lögreglustjórinn á Suðurnesjum, staðfestir í samtali við Vísi að lögreglan telji sig hafa fundið manninn en fyrst var greint frá á mbl.

Ólafur segist að öðru leyti ekki geta sagt meira um málið, til að mynda á hvaða aldri maðurinn er eða hvort hann sé í haldi lögreglu. Segir Ólafur að lögregla hafi vonandi frekari upplýsingar á morgun.

Lögreglan á Suðurnesjum greindi frá málinu í færslu á Facebook-síðu sinni í gær. Þar sagði að rannsókn lögreglu hefði leitt í ljós að stúlkurnar voru á sama stað fyrr um kvöldið og var þeim boðið að fá sér hlaup.

„Ómeðvitaðar hvað væri í hlaupinu þá fengu þær sér og enduðu þær báðar á sjúkrahúsi. Málin bárust til okkar og rannsókn leiddi í ljós að stúlkurnar höfðu fengið þetta hjá ungum aðila sem hafði sjálfur keypt þetta af sér eldri manni,“ sagði í færslu lögreglu í gær sem sjá má hér fyrir neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.