Staðan í kjaraviðræðum við flugliða endurmetin um hádegisbil

Jóhann K. Jóhannsson skrifar 18. maí 2020 01:37

Flugfloti Icelandair á Keflavíkurflugvelli í samgöngubanni Foto: Vilhelm Gunnarsson/Vilhelm Gunnarsson

Óformlegum fundi í kjaraviðræðum Flugfreyjufélags Íslands og Icelandair, í húsakynnum Ríkissáttasemjara, lauk skömmu fyrir klukkan eitt í nótt án niðurstöðu.

Samkvæmt upplýsingum fréttastofu var einhver gangur í viðræðum án þess þó að þær hafi leitt til niðurstöðu.

Hluthafafundur hjá Icelandair er boðaður á föstudag og er allt kapp lagt á að ná kjarasamningum við fagstéttir félagsins áður en til fundarins kemur en þegar hefur Icelandair náð samningum við flugmenn og flugvirkja.

Formlegum fundi Icelandair og Flugfreyjufélagsins var slitið á miðvikudag fyrir helgi þar sem samninganefnd flugfélagsins þótti einsýnt að samningar myndu ekki nást.

Ný fundur á milli aðila hefur ekki verið boðaður en samkvæmt upplýsingum fréttastofu verður staðan metin um hádegisbil á mánudag.

Kjaramál Icelandair

Tengdar fréttir

Óformlegir fundir í kjaraviðræðum Icelandair og FFÍ

Samninganefndir Flugfreyjufélags Íslands og Icelandair funda í dag á óformlegum vinnufundum. Eins og stendur hefur formlegur fundur í kjaradeilu FFÍ og flugfélagsins ekki verið boðaður.

17. maí 2020 10:40

Þakkar flugmönnum fyrir að leggjast á árar með Icelandair

Nýr kjarasamningur felur í sér talsverðar breytingar og styrkir samheppnishæfi félagsins til lengri tíma, að sögn forstjóra Icelandair.

15. maí 2020 13:25

Taka á sig kjaraskerðingu til að mæta ástandinu

Formaður Félags íslenskra atvinnuflugmanna kveðst vongóður um að samningurinn verði samþykktur.

15. maí 2020 11:31

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.