Innlent

Fimm látnir af völdum COVID-19

Eiður Þór Árnason skrifar
Maðurinn lést á Landspítalanum.
Maðurinn lést á Landspítalanum. Vísir/Vilhelm

Karlmaður á sjötugsaldri lést í dag á Landspítalanum vegna COVID-19. Samkvæmt heimildum fréttastofu var maðurinn nýlega kominn úr öndunarvél þegar honum sló niður. Aðstandendur hans hafa greint frá andlátinu á samfélagsmiðlum. 

Alls fimm hafa nú látist hér á landi af völdum COVID-19 sjúkdómsins sem kórónuveiran veldur. 

Fyrst lést ástralskur ferðamaður á Húsavík þann 17. mars og svo rúmlega sjötug kona viku síðar á gjörgæslu á Landspítalanum. Síðasta fimmtudag var síðan tilkynnt um tvö andlát þar til viðbótar.

Annað þeirra var 75 ára eiginmaður konunnar sem hafði látist þann 23. mars. Var hann færður í öndunarvél þann 26. mars eftir að ástand hans hafði hríðversnað á stuttum tíma.

38 einstaklingar eru nú innlagðir á sjúkrahús vegna COVID-19 og þar af 12 á gjörgæslu. Átta eru nú í öndunarvél vegna sjúkdómsins á Landspítalanum. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×