Alheimsfaraldur ekki í nánd

Markos Kyprianou, sem fer með heilbrigðis- og neyslumál í framkvæmdastjórn Evrópusambandsins, segir fuglaflensutilvikin sem komið hafi upp í suðausturhluta Evrópu í vikunni ekki gefa tilefni til að ætla að alheimsfaraldur sé í nánd. Hann segir þó nokkur ríki langt frá því að vera nægilega vel undirbúin fyrir mögulegan faraldur. Evrópusambandið fundaði um málið í gær en talið er að fuglaflensa hafi greinist á grísku eyjunni Kíos í gær. Enn á þó eftir að staðfesta að svo sé. Alls hafa 120 manns smitast af stökkbreyttu afbrigði fuglaflensunnar, sem kallast H5N1, en af þeim hafa 60 látist.