Sparnaðartillögur hugsanlega óraunhæfar

Borgarstjórnarflokkur Samfylkingarinnar telur fyllstu ástæðu vera til að hafa allan fyrirvara á raunhæfni niðurskurðartillagana Hönnu Birnu Kristjándóttur, borgarstjórara, án þess að svíkja þverpólitísk leiðarljós borgarstjórnar um að standa vörð um grunnþjónustuna og koma í veg fyrir uppsagnir og gjaldskrárhækkanir.

Frumvarp að fjárhagsáætlun Reykjavíkurborgar fyrir árið 2009 var lagt fram í borgarstjórn Reykjavíkur í dag og gerir meðal annars ráð fyrir að álagningarhlutföll útsvars, fasteignaskatta, lóðarleigu og holræsagjalds verði ekki hækkuð. Hagrætt verður í stjórnsýslu borgarinnar og laun borgarfulltrúa og æðstu stjórnenda lækka um 10%. Afgreiðsla fjárhagsáætlunar fer fram á nýju ári.

Tillögur borgarstjóra um stórfelldan niðurskurð

Borgarstjórnarflokkur Samfylkingarinnar segir í ályktun að það hafi ollið vonbrigðum að örfáum dögum áður en frumvarp að fjárhagsáætlunina átti að leggja fram í borgarráði komu fram tillögur borgarstjóra um stórfelldan flatan niðurskurð og lækkun yfirvinnugreiðslna, samtals upp á 2,5 milljarða.

,,Þessi sparnaður á að leggjast ofan á þær niðurskurðartillögur sem sviðin hafa áður unnið að og lagt fram. Einhliða tillögur borgarstjóra voru hvorki undirbúnar né ræddar í aðgerðarhópi borgarráðs, fagráðum né af sviðsstjórum einstakra sviða. Því síður var samráð haft við stéttarfélög, annað starfsfólk borgarinnar eða samtök foreldra," segir í ályktun borgarstjórnarflokksins.

Telja að málflutningur minnihlutans hafi haft áhrif

Því ber hins vegar að fagna að málflutningur fulltrúa Samfylkingarinnar og annarra fulltrúa minnihlutans í ráðum borgarinnar hafi leitt til þess að drög að fjárhagsáætlun tók breytingum til hins betra, að mati borgarstjórnarflokksins. Í kjölfar rökstuddrar gagnrýni hafi náðst fram breytingar.

Í ályktuninni eru meðal annars eftirfaranndi breytingar talin upp: Grunnfjárhæð fjárhagsaðstoðar verður hækkuð um 16,35%. Starfsemi unglingaathvarfa á Stígur og Tröð verður tryggð fyrri hluta árs á meðan unnar verða tillögur að framtíðarskipulagi starfseminnar. Þjónustusamningar Kvennaathvarfs, Stígamóta og Rauða krossins fá sérstakar álagsgreiðslur vegna ástands efnahagsmála. Dregið verður úr niðurskurði til tónlistarskóla um 50 milljónir. Framlög til atvinnumála ungs fólks verða hækkuð um 50 milljónir.

Laun undir 300 þúsund verði ekki skorin niður

Við útfærslu niðurskurðar á launaliðum leggur borgarstjórnarflokkur Samfylkingarinnar áherslu á að sérstakt tillit verði tekið til lægst launuðu hópa starfsfólks borgarinnar og að heildarlaun undir 300 þúsund krónum á mánuði verði undanskiln niðurskurði.

Borgarstjórnarflokkurinn veill auk þess að framkvæmdum borgarinnar verði forgangsraðað með tilliti til mannaflsfrekra framkvæmda til að efla atvinnustig með sem öflugustum hætti.