Erlent

Sagði af sér eftir að hafa líkt Angelu Merkel við Hitler

Vésteinn Örn Pétursson skrifar
Angela Merkel, kanslari Þýskalands.
Angela Merkel, kanslari Þýskalands. Vísir/EPA

„Fyrir 75 árum stöðvuðum við Hitler. Hver mun stöðva Angelu Merkel? Hún er búin að uppfylla draum Hitlers! Að stjórna Evrópu!“

Svona hljómar Facebook-færsla sem Michael Zammit Tabona, sendiherra Möltu í Finnlandi, er sagður hafa birt í dag. Færslunni var eytt fljótlega eftir að hún var birt og Tabona hefur nú sagt af sér.

BBC greinir frá málinu. Þar er haft eftir Evarist Bartolo, utanríkisráðherra Möltu, að Þýskalandi myndi berast afsökunarbeiðni vegna málsins. Eins segist hann hafa skipað sendiherranum að fjarlægja færsluna af Facebook, um leið og hann fékk veður af henni.

Tabona, sem hefur verið sendiherra Möltu í Finnlandi síðan árið 2014, hefur ekki enn tjáð sig um málið.

Malta Finnland Þýskaland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið