Hreyfing og breytileiki Kolbrún Bergþórsdóttir skrifar 5. júlí 2019 07:00 Verk Iváns Navarro minnir á óendanleikann. Cheating the Constant er sýning sjö listamanna í BERG Contemporary á Klapparstíg. Sýningarstjóri er Ingibjörg Jónsdóttir sem er jafnframt framkvæmdastjóri og eigandi gallerísins. „Grunnhugmyndir sýningarinnar eru hreyfingin og breytileikinn sem eru svo sterkt afl í lífinu. Það eina sem við getum verið viss um er að allt tekur stöðugum breytingum,“ segir Ingibjörg „Verkin tengjast og hvert og eitt þeirra segir sögu.“ Listamennirnir sem eiga verk á sýningunni eru: Dodda Maggý, Finnbogi Pétursson, Iván Navarro, Sirra Sigrún Sigurðardóttir, Steina, Jitish Kallat og listahópurinn Gruppo MID.Önnur mynd en áður „Jitish Kallat er einn af fulltrúum Indlands á Feneyjatvíæringnum í ár og verk hans þar byggir á bréfi sem Gandhi skrifaði til Hitlers skömmu fyrir seinni heimsstyrjöldina þar sem hann bað um frið. Það er undarlega draumkennt og áleitið verk. Á þessari sýningu er hann með myndaröð og ef áheyrandinn færir sig úr stað sér hann allt aðra mynd en áður. Þetta minnir okkur á að það sem við horfum á í lífinu og upplifum fer eftir sjónarhorni okkar og aðstæðum,“ segir Ingibjörg. Iván Navarro er frá Chile og á afar áhugavert verk á sýningunni en hann var fulltrúi lands síns á Feneyjatvíæringnum árið 2009. „Í verkum sínum er hann meðal annars að vinna með sameiginlegar minningar frá þeim árum sem herforingjastjórnin var við völd í Chile. Verkin hafa skírskotun út í eilífðarpólitík og þær stóru spurningar sem eru stöðugt að leita á okkur. Hann vinnur mikið með speglun og endaleysu sem hann nær fram á ótrúlegan hátt. Verkið á þessari sýningu minnir á óendanleikann og vekur spurningar um það hvað muni mæta okkur,“ segir Ingibjörg.Ingibjörg fyrir framan myndir Jitish Kallat. Fréttablaðið/StefánBörn hrífast „Dodda Maggý er með vídeó og tónlistarverk sem hún nefnir Alda, verkið er innblásið af sameiginlegum goðsögnum og hindurvitnum breskra og íslenskra sjómanna á árum áður. Verkið hennar Steinu er líka vídeóverk, týpísk Steina sem tekur öllu með stóískri ró og gleði og leikur sér. Finnbogi Pétursson er með teikningar sem sýna speglun á vatnsfleti og eilífðargárur.“ Verk eftir ítalska listahópinn Gruppo MID er frá 1968 og í eigu Ingibjargar. „Þetta er mikið uppáhaldsverk sem ég vildi hafa með á þessari sýningu,“ segir hún. „Til að koma því af stað þarf að snúa því. Mér finnst þetta verk vera áminning um það að ef maður vill hafa áhrif á hvað gerist þarf maður að hreyfa við hlutunum og leggja sitt af mörkum. Verk Sirru Sigrúnar á sýningunni tengist á einhvern andlegan hátt þessu ítalska verki, þar er sterk retrótilfinning en verkið er samt nýtt og ferskt og á svo vel við í dag.“ Sýningin stendur til 2. ágúst. „Þetta er sumarsýning sem á að vekja gleði og spurningar og höfða til margra. Það hefur glatt mig óendanlega að öll börn sem hafa komið hingað tengja við verkin. Sýningar sem höfða bæði til fullorðinna og barna hljóta að hafa eitthvað að segja,“ segir Ingibjörg.Myndir Sirru Sigrúnar Sigurðardóttur. Mest lesið Af vængjum fram: „Ég er að breytast í dreka hérna með þér“ Lífið Binni Glee hrundi til jarðar í Köben Lífið Fréttatía vikunnar: Forsetakosningar, ókyrrð og kisur Lífið Alltaf að stela fötum af kærastanum Tíska og hönnun Stofutónleikar Bubba og Víkings Heiðars til stuðnings Katrínu Lífið „Parkinn er þannig að hann étur menn upp ef þeir ekki hreyfa sig“ Lífið Balti hélt að Pálmi myndi aldrei mæta Bíó og sjónvarp Forsetaáskorunin: Innbrotsþjófurinn reyndist vera mamman Lífið Ganga 111 kílómetra til styrktar börnum í Gasa Lífið Af vængjum fram: Borðaði vængi með hníf og gaffli og sagðist vera saddur Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Cheating the Constant er sýning sjö listamanna í BERG Contemporary á Klapparstíg. Sýningarstjóri er Ingibjörg Jónsdóttir sem er jafnframt framkvæmdastjóri og eigandi gallerísins. „Grunnhugmyndir sýningarinnar eru hreyfingin og breytileikinn sem eru svo sterkt afl í lífinu. Það eina sem við getum verið viss um er að allt tekur stöðugum breytingum,“ segir Ingibjörg „Verkin tengjast og hvert og eitt þeirra segir sögu.“ Listamennirnir sem eiga verk á sýningunni eru: Dodda Maggý, Finnbogi Pétursson, Iván Navarro, Sirra Sigrún Sigurðardóttir, Steina, Jitish Kallat og listahópurinn Gruppo MID.Önnur mynd en áður „Jitish Kallat er einn af fulltrúum Indlands á Feneyjatvíæringnum í ár og verk hans þar byggir á bréfi sem Gandhi skrifaði til Hitlers skömmu fyrir seinni heimsstyrjöldina þar sem hann bað um frið. Það er undarlega draumkennt og áleitið verk. Á þessari sýningu er hann með myndaröð og ef áheyrandinn færir sig úr stað sér hann allt aðra mynd en áður. Þetta minnir okkur á að það sem við horfum á í lífinu og upplifum fer eftir sjónarhorni okkar og aðstæðum,“ segir Ingibjörg. Iván Navarro er frá Chile og á afar áhugavert verk á sýningunni en hann var fulltrúi lands síns á Feneyjatvíæringnum árið 2009. „Í verkum sínum er hann meðal annars að vinna með sameiginlegar minningar frá þeim árum sem herforingjastjórnin var við völd í Chile. Verkin hafa skírskotun út í eilífðarpólitík og þær stóru spurningar sem eru stöðugt að leita á okkur. Hann vinnur mikið með speglun og endaleysu sem hann nær fram á ótrúlegan hátt. Verkið á þessari sýningu minnir á óendanleikann og vekur spurningar um það hvað muni mæta okkur,“ segir Ingibjörg.Ingibjörg fyrir framan myndir Jitish Kallat. Fréttablaðið/StefánBörn hrífast „Dodda Maggý er með vídeó og tónlistarverk sem hún nefnir Alda, verkið er innblásið af sameiginlegum goðsögnum og hindurvitnum breskra og íslenskra sjómanna á árum áður. Verkið hennar Steinu er líka vídeóverk, týpísk Steina sem tekur öllu með stóískri ró og gleði og leikur sér. Finnbogi Pétursson er með teikningar sem sýna speglun á vatnsfleti og eilífðargárur.“ Verk eftir ítalska listahópinn Gruppo MID er frá 1968 og í eigu Ingibjargar. „Þetta er mikið uppáhaldsverk sem ég vildi hafa með á þessari sýningu,“ segir hún. „Til að koma því af stað þarf að snúa því. Mér finnst þetta verk vera áminning um það að ef maður vill hafa áhrif á hvað gerist þarf maður að hreyfa við hlutunum og leggja sitt af mörkum. Verk Sirru Sigrúnar á sýningunni tengist á einhvern andlegan hátt þessu ítalska verki, þar er sterk retrótilfinning en verkið er samt nýtt og ferskt og á svo vel við í dag.“ Sýningin stendur til 2. ágúst. „Þetta er sumarsýning sem á að vekja gleði og spurningar og höfða til margra. Það hefur glatt mig óendanlega að öll börn sem hafa komið hingað tengja við verkin. Sýningar sem höfða bæði til fullorðinna og barna hljóta að hafa eitthvað að segja,“ segir Ingibjörg.Myndir Sirru Sigrúnar Sigurðardóttur.
Mest lesið Af vængjum fram: „Ég er að breytast í dreka hérna með þér“ Lífið Binni Glee hrundi til jarðar í Köben Lífið Fréttatía vikunnar: Forsetakosningar, ókyrrð og kisur Lífið Alltaf að stela fötum af kærastanum Tíska og hönnun Stofutónleikar Bubba og Víkings Heiðars til stuðnings Katrínu Lífið „Parkinn er þannig að hann étur menn upp ef þeir ekki hreyfa sig“ Lífið Balti hélt að Pálmi myndi aldrei mæta Bíó og sjónvarp Forsetaáskorunin: Innbrotsþjófurinn reyndist vera mamman Lífið Ganga 111 kílómetra til styrktar börnum í Gasa Lífið Af vængjum fram: Borðaði vængi með hníf og gaffli og sagðist vera saddur Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira