Einn besti knattspyrnumaður Íslandssögunnar, Atli Eðvaldsson, féll frá í gær 62 ára að aldri. Stöð 2 Sport mun sýna þátt um feril Atla í kvöld.
Það er þátturinn „10 bestu“ frá árinu 2008 en sú þáttaröð fjallaði um bestu knattspyrnumenn Íslands frá upphafi.
Á glæstum ferli spilaði Atli með Val, Dortmund, Düsseldorf, Uerdingen, Genclerbirligi, KR og HK. Hann var einnig lykilmaður í landsliðinu og fyrirliði til margra ára. Síðar varð hann landsliðsþjálfari og hann var líka þjálfari KR er félagið varð Íslandsmeistari í fyrsta sinn í 31 ár árið 1999.
Þátturinn fer í loftið klukkan 21.15.
Þáttur um Atla Eðvaldsson á Stöð 2 Sport í kvöld
Tengdar fréttir
Helgin hans Atla Eðvaldssonar árið 1983 verður seint toppuð
Sex mörk á tveimur dögum og leikirnir voru í þýsku bundesligunni og í undankeppni EM.
Atli Eðvaldsson látinn
Atli Eðvaldsson er látinn eftir hetjulega baráttu við krabbamein en Atli féll frá í dag.
Íslendingar minnast Atla: „Hafðu þökk fyrir“
Atli Eðvaldsson lést í dag eftir erfiða baráttu við krabbamein en Atli var meðal annars fyrrum landsliðsmaður og landsliðsþjálfari.
