Ágústspá Siggu Kling - Krabbinn: Ekki hafa áhyggjur af fjármálum

Elsku Krabbinn minn, þú ert svo dásamlegur og nýtur þess svo sannarlega að passa aðra og hjálpa þeim á allan þann máta sem þú getur og hefur líka þann sérstaka hæfileika að geta passað upp á þig, alveg eins og þú ert góður að gefa öðrum ráð. Ef þú hlustar betur á sjálfan þig þá þarftu engan sálfræðing því þú ert jafn skemmtilegur og þú ert viðkvæmur og það er dásamleg blanda, þú getur litið upp til sjálfs þíns, því þú ert ráðgjafinn, lærðu að trúa því.

Þú hefur svo góðar hugmyndir og þegar þú byrjar að framkvæma og elskar virkilega að standa með þér, þá stoppar þig ekkert því þú ert eins og hvirfilbylur þegar þú byrjar, ekki hafa áhyggjur af fjármálum því þú munt lenda vel í þeim málum og lifa betur en þú bjóst við.

Af því að þú ert svo tilfinningasamur þá hefur þér liðið illa í sálinni, en það fer allt að jafna sig, þú stígur svo sterkt upp og næstu þrír mánuðir eru til blessunar, ágústmánuður gefur þér nýja sýn á lífið, þú einfaldar hlutina, elskar með meiri krafti og færð þá þína ást endurgoldna, vertu bara þolinmóður elsku Krabbinn minn, gróðursettu fræ ástarinnar því þá vex það og verður fallegt tré.

Það er svo ríkt í eðli þínu að vera ekki nógu ánægður með núverandi stöðu þína í lífinu og langa alltaf í meira og það er bara allt í lagi, það kallast metnaður og til þess að endurnýja frumurnar þínar og kraft til að vera svo mikil keppnismanneskja þarftu að hvíla þig og njóta hversdagsins. Þú endurbyggir þig best inni á heimili þínu og með fjölskyldu þinni, þetta er drifkraftur þinn, svo slappaðu aðeins af áður en þú þýtur áfram eins og enginn sé morgundagurinn.

Knús og kossar, Sigga Kling

Krabbi 22. júní - 22. júlí

Auðunn Blöndal, 8. júlí 

Ólafur Stefánsson, handboltakappi og heimspekingur, 3. júlí 

Edda Sif, 20. júlí 

Sindri Sindrason, 19. júlí 

Ásdís Halla Bragadóttir, 6. júlí 

Guðni Th. forseti Íslands, 26. júní 

Unnsteinn Manuel Stefánsson, tónlistarmaður, 2. júlí 

Ariana Grande, tónlistarkona, 26. júní 

Meryl Streep, leikkona, 22. júní

Lionel Messi, fótboltamaður, 24. júní

Selena Gomez, leik- og söngkona, 22. júlí

Khloé Kardashian, raunveruleikastjarna, 27. júní

Lana Del Rey, söngkona, 21. júní