Beckham sagður á leið í umboðsmennsku og vill klófesta Mason Greenwood

David Beckham virðist vera á leið í umboðsmennsku en hann er einn af stjórnarmönnum í fyrirtækinu Footwork Management Limited sem var sett á laggirnar á dögunum.

Beckham er einn af þremur stjórnarmönnum í fyrirtækinu en hinir tveir eru besti vinur Beckham, Dave Gardner, og fyrrum upplýsingafulltrúinn, Nicola Howson.

Englendingurinn, sem hætti að spila árið 2013, er ekki með umboðsmannaleyfi en Gardner er með leyfi frá enska knattspyrnusambandinu.

Is David Beckham set to become football's next big agent?

That's the gossip.

https://t.co/nneJh7l2sp#bbcfootballpic.twitter.com/BuUcO462q4

— BBC Sport (@BBCSport) September 27, 2019

Fyrrum enski landsliðsfyrirliðinn er talinn eðlilega vekja mikla athygli leikmanna víðs vegar um heiminn og Mason Greenwood er talinn ofarlega á óskalista Beckham og félaga.

Þetta er ekki eina verkefnið sem Beckham er með í höndunum því lið hans, Inter Miami, mun leika í fyrsta sinn í MLS-deildinni er deildin hefst á vormánuðum 2020.