Erlent

Minntust fórnar­lamba á­rásarinnar á Lundúna­brú

Atli Ísleifsson skrifar
Aðstandendur hins 25 ára Jack Merritt sem fórst í árásinni minnustu hans í Cambridge í dag.
Aðstandendur hins 25 ára Jack Merritt sem fórst í árásinni minnustu hans í Cambridge í dag. AP
Fórnarlamba árásarinnar á Lundúnabrú á föstudaginn var minnst í Lundúnum og Cambridge í morgun. Hin 23 ára Saskiu Jones og hinn 25 ára Jack Merritt létu í lífið í árásinni og var þeirra minnst við Guildhall Yard í Lundúnum og fyrir utan Guildhall í Cambridge.

Þau Jones og Merritt voru stungin til bana af dæmdum hryðjuverkamanni sem var á reynslulausn, hinum 28 ára Usman Khan. Þrír til viðbótar særðust í árás Khan en hann var sjálfur skotinn til bana af lögreglu.

Fjölskylda Merritt og kærasta hans sóttu minningarathöfnina í Cambridge, en Merritt og Jones höfðu bæði úrskrifast úr Cambridgeháskóla og sótt sérstakt námskeið um endurhæfingu fanga á vegum háskólans þegar þau voru drepin.

Boris Johnson forsætisráðherra, Jeremy Corbyn, leiðtogi Verkamannaflokksins og Sadiq Khan, borgarstjóri Lundúna sóttu allir minningarathöfnina í Lundúnum. Sagði Khan borgarstjóri að íbúar Lundúna myndu aldrei láta hryðjuverkamenn kúga sig.

„Besta leiðin til að sigrast á þessu hatri er ekki að snúast gegn hvert öðru, heldur með því að einblína á þau gildi sem sameina okkur,“ sagði Khan borgarstjóri og bætti við að fólk sæki styrk í að íbúar borgarinnar hafi hætt lífi sínu til að bjarga lífi ókunnugra.

Usman Khan hafði verið sleppt úr fangelsi í desember á síðasta ári eftir að hafa afplánað helming refsingar sinnar.


Tengdar fréttir

Tveir látnir eftir árásina í London

Tveir létust og þrír til viðbótar slösuðust eftir hnífaárás á London Bridge í bresku höfuðborginni. Lögreglan ytra hefur staðfest að maður hafi, vopnaður hnífi og íklæddur gervi-sprengjuvesti hafi ráðist að vegfarendum.

Árásarmaðurinn á Lundúnabrú nafngreindur

Árásarmaðurinn sem stakk tvo til bana og særði þrjá til viðbótar í árás á Lundúnabrú hefur verið nafngreindur. Hann hét Usman Khan og var 28 ára.

Einn skotinn af lögreglu eftir hnífaárás í London

Nokkur fjöldi fólks er talinn hafa slasast eftir hnífaárás á London Bridge í ensku höfuðborginni um klukkan tvö í dag. Lögregla er með mikinn viðbúnað vegna málsins og hefur að minnsta kosti einn verið skotinn í tengslum við árásirnar.




Fleiri fréttir

Sjá meira


×