Seinni bylgjan: Gulli greinir sigur Stjörnunnar á ÍBV
Stjarnan vann virkilega öflugan sigur á ÍBV í Olís-deild karla á föstudagskvöldið en þetta var fyrsti sigur Stjörnumanna í háa herrans tíð.
Stjarnan vann leikinn með sex mörkum, 31-25, en frábær varnarleikur og agaður sóknarleikur skilaði sigrinum sagði Guðlaugur Arnarson sem greindi leikinn í Seinni bylgjunni í gær.
„Fyrst og fremst var þetta sterkur varnarleikur. Þeir eru með bakverðina hátt og eru að koma á blindu hliðina. Þeir vinna rosalega marga bolta og gera sóknarleikinn stirðan og erfiðan,“ sagði Guðlaugur.
„Tandri er að stýra þessu vel. Þú sérð bendingarnar og hann er að stilla mönnum upp,“ bætti Logi Geirsson við.
Alla greiningu Gulla á sigrinum má sjá hér að neðan en þar fór hann einnig yfir agaðan og góðan sóknarleik liðsins.
Tengdar fréttir
Seinni bylgjan: Hvað haldið þið að Haukur Þrastarson sé?
Eru Selfyssingar að nota Hauk Þrastarson vitlaust?. Seinni bylgjan ræddi þetta í gær eftir að Haukur átti ekki góðan leik í stórleiknum á móti FH.
Seinni bylgjan: Af hverju er Einar Andri að hætta með Aftureldingarliðið?
Einar Andri Einarsson hefur ákveðið að þetta verði hans síðasta tímabil með lið Aftureldingar í Olís deild karla í handbolta og strákarnir í Seinni bylgjunni ræddu þessa ákvörðun Einars Andra.
Topp 5 í Seinni bylgjunni: Mestu leiðtogar Olís deildar karla
Logi Geirsson var mættur aftur í Seinni bylgjuna í gær og valdi hann topp fimm leikmennina sem eru mestu leiðtogarnir í deildinni.
