Umboðsmenn fótboltamanna hafa grætt meira en 79 milljarða á árinu 2019
Alþjóða knattspyrnusambandið, FIFA, hefur gefið upp tölur yfir þær gríðarlegu peningaupphæðir sem umboðsmenn knattspyrnumanna hafa fengið í sinn hlut til þessa á árinu 2019 og það eru engir smáaurar.
Í úttekt frá FIFA kemur fram að umboðslaun umræddra umboðsmanna fóru yfir 593 milljónir dollara á árinu og hækkuðu um næstum því tuttugu prósent milli ára.
FIFA: Agent fees for international transfers top $650m for 2019 #FIFA #AgentFeeshttps://t.co/rqXxoE1bAQ
— MSNews24.com (@MSNews24com) December 5, 2019
Nákvæmt upphæð er 653,9 milljónir Bandaríkjadala eða 79,4 milljarðar íslenskra króna.
Áttatíu prósent af þessum umboðslaunum urðu til vegna leikmannakaupa liða frá Ítalíu, Englandi, Þýskalandi, Portúgal, Spáni og Frakklandi.
Félögin í Portúgal eyddu þannig meira í umboðslaun en þau gerðu í leikmennina sjálfa.
FIFA er að reyna að leita að leiðum til þess að takmarka þessi umboðslaun og gaf fyrr á þessu ári út reglugerð þar sem umboðsmenn mega ekki fá meira en tíu prósent af kaupverðinu.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
