Vilja Rússa í fjögurra ára bann
Alþjóðlega lyfjaeftirlitið WADA vill setja Rússa í nýtt bann frá öllum alþjóðlegum keppnum.
Nefnd á vegum WADA hefur lagt fram að Rússar fari í fjögurra ára bann eftir að upp komst að yfirvöld í Rússlandi hafi eytt gögnum úr tölvugrunni yfir lyfjapróf.
Ef bannið verður sett þá missa Rússar af Ólympíuleikunum í Tókýó á næsta ári og fjölda annarra stórmóta í hinum ýmsu íþróttum, meðal annars mögulega heimsmeistaramótinu í Katar 2022.
Þá mættu Rússar ekki sækja um að halda stórmót.
Tillaga nefndarinnar var sett fram í skýrslu sem birt var í síðustu viku. Það á að liggja fyrir niðurstaða í málinu 9. desember þegar stjórn WADA hittist í París.
WADA Compliance Review Committee recommends series of strong consequences for RUSADA non-compliance: https://t.co/O1wpVrnKXs
— WADA (@wada_ama) November 25, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
