Græn jól í Rekstrarlandi – taktu þátt í gjafaleiknum

Allir sem versla í Rekstrarlandi til 22. nóvember geta sett nafnið sitt í pott og eiga möguleika á að eignast veglegan pakka með umhverfisvænum veisluvörum ásamt veislumat frá Bakarameistaranum fyrir 20 manns til að hafa í boðinu. Rekstrarland á sér mörg svið og er vöruvalið mikið og fjölbreytt eins og heimsókn þangað sýnir. Rekstrarland er í Vatnagörðum 10.



Við hjá Rekstrarlandi erum með almennar rekstrarvörur fyrir stór og smá fyrirtæki. Einnig vörur sem tilheyra heilbrigðisgeiranum, hjúkrunarvörur ýmiss konar en líka vörur fyrir mæður með ungbörn, bleiur, krem og undirlegg osfrv. Svo má ekki gleyma að við erum með hið þekkta danska vörumerki Nilfisk, allt frá nettum ryksugum fyrir heimili upp í stórvirkar hreinsivélar til iðnaðarnota og allt þar á milli. Orkunýting Nilfisk véla er afskaplega góð án þess það komi niður á gæðum þeirra eða virkni. 



Við leggjum mikla áherslu á umhverfisvænar og niðurbrjótanlegar vörur, sem auðvelt er að flokka og endurvinna. Við viljum að viðskiptavinir okkar eigi kost á að velja vörur með umhverfismerkingum því það er okkur mikið keppikefli að vörurnar okkar séu hliðhollar umhverfinu.

Umhverfismerkingarnar eru til dæmis svansvottun og Blái kransinn sem táknar að varan sé ekki með ofnæmisvaldandi innihaldi. Í því samhengi má nefna Abena vörurnar, krem og húðvörur. FSC merkingin þýðir að vara komi úr sjálfbærum skógi, slíka merkingu bera t.d. Bambo Natue barnableiurnar okkar, pappír og servíettur.

Við bjóðum líka svansmerkt kerti, en slík kerti þurfa að vera gerð úr meira en 90% endurnýjanlegu hráefni, vera án ilmefna og sótmengun þeirra þarf að vera með minnsta móti. Töluverður hluti hreinsiefnanna hjá okkur eru sömuleiðis svansvottuð.

Og af því það eru að koma jól með tilheyrandi boðum, í kringum aðventu, jól og áramót er sjálfsagt að nefna að við erum með borðbúnað, hnífapör, niðurbrjótanlega diska og glös sem eru auk þess ljómandi falleg á borði. Í því samhengi má t.d. nefna Hampi diskana úr pálmablöðum sem falla til jarðar og eru pressuð í diska og platta. Við erum líka með glös úr sterkju en hún brotnar niður í náttúrunni og ef við erum með veisluvörur úr plasti á boðstólum er það plast sem hægt er að endurvinna. Það skiptir máli.

Ef þig dreymir um að spara tíma með góðri samvisku næst þegar þú heldur veislu getur þú kíkt til okkar í Rekstarland 10.

Þessi kynning er unnin í samstarfi við Rekstrarland.